إسلام زكي يضم صوته لصوت نادر نور ويشكو من تجاهل زملائه المطربين: مش بيردوا
على خلفية منشور الملحن والمطرب نادر نور، شكا الملحن إسلام زكي أيضًا من قلة العمل وتجاهل زملائه بالوسط الفني له.
وكتب إسلام زكي في منشور تعليقًا على منشور نادر نور:"أنا بضم صوتي والله لصوت الملحن الكبير نادر نور، عشان الناس اللي بتبعت لي كلام وعشمها خير معظم المطربين لو مش كلهم مش بيردوا تماما وبيتجاهلوا كل الرسائل والمكالمات وبواجه صعوبة في التواصل معاهم عشان أعرض شغلي عليهم عشان الناس اللي بتسألني: "أنت مش متواجد ليه ؟" اسألوهم هما مش أنا".
وأضاف:"غالبا أنا معنديش أي أعمال السنة دي. أنا بشتغل وبعمل اللي عليا سواء ملحن أو موزع والحمد لله معنديش أغنية أخجل منها، وليا رصيد أتشرف بيه أغنية أغنية من أول ما بدأت في ۲۰۰۸. أنا عمري ما هبطل أعمل الحاجة اللي بحبها وأعمل أغاني حتى لو هفضل أسمعها لوحدي في عربيتي، بكون سعيد وأنا عارف إن ربنا إداني الموهبة دي ولسه عندي كتير حتى لو مظهرش للنور، فأنا راضي جدا الحمد لله وفي نعمة".
كان نادر نور كشف سبب غيابه، مشيرًا إلى أنه حاول أن يعود خلال ثلاث سنوات بلا جدوى بسبب غياب الفرص وتجاهل زملائه بالوسط الفني.
