نادر نور يشكر تركي آل الشيخ بعد استجابته له وإعلان دعمه
وجه المطرب والملحن نادر نور، الشكر للمستشار تركي آل الشيخ، رئيس الهيئة العامة للترفيه، بعد استجابته لمنشور كشف فيه عن معاناته من قلة العمل وعدم إيجاد فرصة رغم مشوراه الفني.
وكتب نادر نور عبر حسابه بموقع فيسبوك: “كل الشكر لمعالي المستشار تركي آل الشيخ على دعمه للفن المصري و الثقة الغالية الف شكر ”.
وكان تركي آل الشيخ، رئيس الهيئة العامة للترفيه، أعلن دعمه للملحن نادر نور، وعلق على منشور شكوته وكتب:"أنت فنان كبير وأنا حابب اشتغل معاك".
وقد فاجأ نادر نور محبيه، بمنشور كشف فيه عن معاناته وسبب غيابه الفني، وكتب: “بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر اساعدك بيها لأني ببساطة محتاج اللي يساعدني”.
ورد على اتهامه التكاسل والتقصير معلقًا:"وللناس اللي بتتهمني بالكسل والتقصير أنا فعلا بعدت فترة لأسباب شخصية وبحاول ارجع من ٣ سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول اشتغل معاه للمرة الأولى ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا واللي بيرد على التليفون مرة مبيردش تاني وبقيت احس بالرفض وعدم التقبل وأنا مش متعود ازن على حد أو اطلب الحاجة أكتر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري".
واختتم:"اخيرًا معنديش مشاكل مع حد ولا بكتب الكلام ده لكسب تعاطف حد وكل الاحترام والتوفيق لزملائي انا مش زعلان من حد.. وآسف على الإطالة".
