حابب اشتغل معاك.. تركي آل الشيخ يدعم الملحن نادر نور بعد الكشف عن معاناته
أعلن المستشار تركي آل الشيخ، رئيس الهيئة العامة للترفيه، دعمه للملحن نادر نور، بعد إعلان عزوفه عن النشاط الفني بسبب غياب الفرص.
وشارك تركي آل الشيخ منشور نادر نور عبر صفحته الرسمية وعلق:"أنت فنان كبير وأنا حابب اشتغل معاك".
وكان نادر نور أعرب عن استيائه في منشور عبر حسابه بموقع فيسبوك وكتب: “بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر اساعدك بيها لأني ببساطة محتاج اللي يساعدني”.
وتعليقًا على اتهامه التكاسل والتقصير كتب:"وللناس اللي بتتهمني بالكسل والتقصير أنا فعلا بعدت فترة لأسباب شخصية وبحاول ارجع من ٣ سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول اشتغل معاه للمرة الأولى ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا واللي بيرد على التليفون مرة مبيردش تاني وبقيت احس بالرفض وعدم التقبل وأنا مش متعود ازن على حد أو اطلب الحاجة أكتر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري".
وانهى نادر نور حديثه وكتب:"اخيرًا معنديش مشاكل مع حد ولا بكتب الكلام ده لكسب تعاطف حد وكل الاحترام والتوفيق لزملائي انا مش زعلان من حد.. وآسف على الإطالة".
