حمزة نمرة يهاجم "ويكيبيديا": تحتوي على مغالطات ومعلومات غير حقيقية

انتقد المطرب حمزة نمرة، موسوعة ويكيبيديا عربية، لافتا إلى أنها تنشر في أوقات كثيرة معلومات غير حقيقية على الإطلاق، قائلا: «ويكيبيديا عربية فيها معلومات هزي كتير جدا».

معلومات مغلوطة غير قابلة للتغير

وأضاف، خلال استضافته في برنامج «المزيكا لعبتنا» المذاع عبر إذاعة NRJ: «أنا مولود في سنة 1980، ودي الحمدلله مكتوبة صح على ويكيبديا لكن لما بدور على حد تاني بلاقي معلومات غريبة جدا وبتتكب ومعرفش مين اللي بيعدلها».

حب شديد للون الغناء الشعبي

وخلال الحلقة، أعرب المطرب حمزة نمرة عن حبه الكبير للأغاني الشعبية، مشيرا إلى أنه بالرغم من حبه الشديد لهذا اللون من الفن إلا أنه لم يخوض تجربة غناء الشعبي من قبل.

استياء وخوف من فكرة الغناء بالذكاء الاصطناعي

وفي سياق أخرن خرج المطرب حمزة نمرة عن صمته ليعلق على الأغاني المنشأة بأدوات الذكاء الأصطناعي، وذلك من خلال مقطع فيديو عبر حسابه الرسمي على موقع تبادل الصور والفيديوهات إنستجرام.

وقال حمزة نمرة في الفيديو: “أنهاردة هتكلم معاكم في موضوع شاغلني بقاله فترة، وكونت فيه وجهة نظر متحفظة جدًا وكلها خوف وقلق على صناعة الموسيقي بشكل عام، بسمع دلوقتي أغنية بصوت المغني أو المغنية واللي مقدمها الذكاء الاصطناعي، الموضوع بقى مرعب بشكل مش طبيعي وأنا خايف على مستقبل الموسيقى، المرعب في الموضوع إنه بقى ليهم مستمعين وأعداد كبيرة جدًا، يوصلوا للمليار واللي بيغني في الأصل مكنة، والمشكلة إن اللي بيسمعوا مش عارفين إن ده AI مش صوت بشري، دي حاجة محبطة، الناس مش عارفة تفرق، إحنا بقينا مثل الذي يتعلق بالأم اللي مش حقيقية ويتعلموا منها كل حاجة، بقينا مش عارفين نفرق بين الحقيقي والبشري والغير بشري، ده مديني إحباط كبير أوي، الفرق ما بينا إحنا كموسيقيين والذكاء الاصطناعي وجهة نظر، وأتمنى الموسيقيين في مصر والوطن العربي ياخدوا بالهم وبقولهم بلاش استسهال".

تشابة كبير بين الحقيقة والمصنع

وأعرب عن استيائه الشديد من استخدامات الذكاء الاصطناعي في الحياة الواقعية ، مشيرا إلى التشابه الكبير للواقع والحقيقي مع فيديوهات الـ AI