نجوى فؤاد تكشف مفاجأة صادمة: بعت أهلي والخلفة علشان الفن

كشفت الفنانة والراقصة نجوى فؤاد مفاجأة صادمة عن حياتها، مشيرة إلى أنها تركت الأهلها وفضلت الفن والرقص عليهم، قائلة: «بعت أهلي علشان الفن.. بعت أبويا وعمامي وأولادهم علشان هما ناس ملهمش في الفن».

بعت أهلي علشان الفن

وأضافت فؤاد، خلال تصريحات تلفزيونية: «أبويا كان عايزني أكمل دراستي وعايز يجوزني وأنا عندي 13 سنة وأنا طبعا رفضت.. وهربت منهم وجيت على أسكندرية أنا والست اللي ربتني وبدأت من هناك بقا».

فضلت الرقص على الخلفة.. ومحبتش أبوظ جسمي

وتابعت نجوى فؤاد: «وعن إني بعت الخلفة، لما اتجوزت أحمد فؤاد حسن طلب مني خلفة ورفضت علشان جسمي كان هيبوظ.. وقتها مكانش في الأدوات الجميلة دي اللي موجودة دلوقتي».

وأردفت نجوى فؤاد: «هو قالي هينجمني مكانش ينفع أخلف في الوقت ده ودلوقتي بندم.. لكن بردو في ناس عندهم ولاد مش بيسألوا عنهم ولا بزيارة حتى».

تبنيت بنت مش بتسأل عني

وفي سياق أخر، كشفت الفنانة والراقصة نجوى فؤاد أنها تفتقد للأمومة، ولكنها في نفس الوقت تشعر أنها كانت محقة بقرار عدم الإنجاب عندما ترى أبناء عاقين بوالديهما.

وقالت نجوى فؤاد في لقاء لها مع الإعلامية سهير جودة: “اه طبعا.. بس طلع معايا حق، لأن بشوف ناس عندهم أولاد كتير وبرضو بيعيطوا أنهم ما بيشوفهومش”.

وأشارت نجوى فؤاد أنها كانت قد تبنت لكن ابنتها بالتبني لم تزرها ولم تهتم بها، موضحة: “ما بشوفهاش.. حتى ساعات ببقى عيانة والبنات اللي بيشتغلوا معايا يقولولي : مش بنتك أولى بيكي؟! بلاقي نفسي أعيط لوحدي”.

أخر أعمال الفنانة نجوى فؤاد

كانت آخر أعمال نجوى فؤاد مشاركتها في مسلسل جوما الذي عرض العام الماضي، والذي تدور أحداثه حول طبيب نفسي تتقاطع حياته مع العديد من الأشخاص من حوله، لكن تؤدي عقدهم النفسية والماضي السيئ والمشوه لكل منهم إلى حدوث صراعات خفية وأُخرى معلنة، وتدفعهم لارتكاب جرائم بشعة، لتتسبب في خسائر كبيرة للكل.

المسلسل من إخراج محمد النقلي وتأليف أحمد صبحي، وبمشاركة كل من ميرفت أمين، محمود عبد المغني، ريم البارودي وغيرهم.