بعد وفاة كلبها.. منة فضالي: "شوفتك بتموت قدامي ومقدرتش أعملك حاجة"
أثارت الفنانة منة فضالي حالة من الجدل بعد رحيل كلبها “توفي” صباح اليوم، وذلك من خلال منشور عبر حسابها الرسمي على موقع التواصل الإجتماعي فيسبوك.
منة فضالي تودع كلبها
حيث قالت منة فضالي مودعة إياه: “النهاردة أوحش يوم في حياتي مات أول كلب ليا عاش معايا ١٢ سنة من أجمل سنين عمري عشت معاه مراحل كتير وعاش معايا حزني و فرحي، توفي مكنش مجرد كلب كان ابني أول ابن ليا هتوحشني اوي اوي اوي هفتقدك هفتقد جريك عليا أول ما ارجع من بره و حضنك ليا و حبك الصادق اللي ملوش حدود، ١٢ سنة حب و وفاء و إخلاص، ربنا يرحمك و يارب مكنش نقصت عليك أي حاجة، للأسف أوحش حاجة أني شوفتك بتموت قدامي ومقدرتش اعمل حاجة سامحني، هتوحشني هتوحشني اوي مش عارفة هعمل ايه بجد، مع السلامة يا صاحبي يا عشرة العمر مع السلامة يا ابني مع السلامة يا أحلي و أوفي خلق الله”.
منة فضالي تدافع عن الكلاب
في سياق آخر، قد خرجت الفنانة منة فضالي لتستمر في الدفاع عن الكلاب والحيوانات الضالة، وذلك من خلال منشور عبر حسابها الرسمي على موقع التواصل الإجتماعي فيسبوك.
وعلقت منة فضالي قائلة: "هفضل أدافع عن الكلآب لـ آخر يوم في عمري مش بس الكلاب اي حيوان ضعيف مش قادر يتكلم ولا يعبر عن اللي بيحسه
أكتر حاجة بيقدر يعملها انه بيحاول يدافع عن نفسه علشان يعيش، مش الكلاب اللي متوحشة البني أدم هو اللي متوحش، اللي بيحرض علي تسميم الكلاب اللي هي بتثق فيك اول ما بتشوفك بتحطلها أكل انت إنسان معدوم الرحمة والانسانية انت ظالم اللي بيقتل روح ربنا خلقها، هتقولولي ما تقول الكلام ده علي الحشرات أقولكم الحشرات فيها المضر وفيها اللي لا، معنديش مشكله أن ممكن في ناس عندها فوبيا من الكلاب و في اللي بيخاف علي الاطفال منهم بس والله العظيم مفيش كلب حيهجم علي حد لواحده كده الكلب بيحس زيه زي البني ادم و يمكن اكتر لانه عنده وفاء و إخلاص لللي بيطعمه و بيحطله شويه مياه، فيها ايه اننا نبقي راحيمين، صفو قلوبكم حرام حرام حرام، حيوان كل اللي عاوزه يأكل و يشرب و ينام في حته كويسة و حد يلعب معاه مش أكتر".
