في أحدث إطلالة.. رحمة أحمد: "محدش يقولي عنيكي فيها حووظن"
شاركت الفنانة رحمة أحمد مجموعة صور من أحدث إطلالتها، وذلك من خلال منشور عبر حسابها الرسمي على موقع التواصل الإجتماعي فيسبوك.
وقالت رحمة أحمد معلقة: “محدش يقولي عنيكي فيها حووظن علشان ده بيكون شكلي وأنا مش مبتسمة خلقتي كده والله”.
تعرض رحمة أحمد لوعكة صحية
في سياق منفصل، قد كشفت الفنانة رحمة أحمد عن تعرضها لوعكة صحية، نتج عنها قيامها بإجراء عملية جراحية، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت رحمة أحمد في منشورها: “أنا عارفة أن الحسد موجود و كل حاجة بس ليه تطلعلي عين، ف الأندر ارم و اعمل فيها عملية علشان تتشال بقالي يومين عايشة ف وضعية أبو نواف موجود”.
رحمة أحمد توجه رسالة شكر
في سياق مختلف، قد حرصت الفنانة المعتزلة رحمة أحمد على توجيه رسالة شكر لكل من ساندها خلال الأسابيع الماضية، سواء من جانب أصدقائها في الوسط الفني أو خارجه بعد قرار اعتزالها التمثيل .
ونشرت رحمة أحمد بوست على حسابها الخاص على موقع التواصل الاجتماعي فيس بوك وعلقت قائلة: “شكرًا لكم الكلام الإيجابي والتشجيع النفسي والمعنوي، شكرًا لكل حد كتب كلمة حلوة في حقي ورد غيبتي على أي حاجة مش كويسة بتتقال عليّا، سواء من جمهور أو فنانين، خصوصًا فنانين وفنانات بيدعموني Inbox، وكل حد بيشتكيلي من تجربته اللي خايف حتى يعبر عنها أو يتكلم، يتقطع رزقه لو اتكلم.”
وأضافت رحمة أحمد: "فيه اللي انقطع رزقه حرفيًا، وكل واحدة خايفة تدعمني قدام الناس لا حد يشوف كومنت بتاعها، أنا حاسة بيكي ومقدرة ومعاكي جدًا في ده لو لسه عايزه تكملي في شغلك، بس أهم حاجة عايزة أقولها، الرزق ده بتاع ربنا مش بتاع حد، وفي فنانين كبار جدًا عارفين باللي بيحصل ومش عاجبهم كمان القرف اللي بيحصل، لأن ببساطة شغلهم بيتظلم وسط فئة تانية مالهاش علاقة بالفن لا من قريب ولا من بعيد، معتبرينه سبوبة مش أكتر، تاني بقول شغلانة زي أي شغلانة في العالم، فيها الحلو وفيها الوحش، بس الوحش صوته عالي وهمجي وبيلغوش على الكويس."
سبب اعتزال رحمة أحمد
وكانت كشف الممثلة الصاعدة رحمة أحمد سبب قرار اعتزالها التمثيل بعد إعلانها ذلك في منشور عبر حسابها بموقع فيسبوك أمس، حيث سردت العديد من الأسباب منها أن هناك مساومات وتنازلات تفرض عليها حتى تستطيع أن تقدم أدوارًا جيدة.
وأكدت رحمة أحمد أنها لم تتحجب مثلما ذكرت بعض الصفحات ولم تتب لأنها لم تفعل شيئا حراما وتحترم الفن، حيث كتبت: “كلام للي مهتم فقط.. أنا محدش يعرفني ومحدش مهتم بأخباري غير اللي بدأوا معايا رحلة وعارفني كويس”.
