بسبب مشاكل معدتها.. جوري بكر تقوم بعمل عملية منظار وتشكر طبيبها
قامت الفنانة جوري بكر مساء أمس بعمل عملية منظار بسبب مشاكل صحية في معدتها، وكانت تعاني منها لمدة ثلاث سنوات ماضية، وقد طمأنت جمهورها من خلال منشور عبر حسابها الرسمي على موقع تبادل الصور والفيديوهات إنستجرام.
حيث قالت جوري بكر معلقة: “وأخيرًا المعاناة خلصت بفضل الله، وبفضل دكتوري المحترم رامي نخلة، ومشاكل معدتي عملنا منظار النهاردة حرفيًا أنا كنت رمعوبة وبقالي تلات سنين مخضوضة، بس هو بكل صدق وأمانة طمن قلبي، وفعلا الحمدلله عدت على خير”.
جوري بكر: “أنا كويسة ومش فارقلي حسالة المجتمع”
في سياق آخر، قد خرجت الفنانة جوري بكر لترد بنفسها على موجة الانتقادات التي وجهت لها بسبب قيامها بأداء مناسك العمرة مؤخرًا، وربما رأي البعض أن عمرتها لن تُقبل بسبب مهنتها، ولذلك اضطرت إلي أن توجه رسالة خاصة للمنتقدين، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
وقالت جوري بكر في الفيديو: “يارب يومكم يبقى حلو وجميل وبركة وخير وسعادة، بس صدقوني أنا بقرأ الحاجات دي كلها وباشوف المسدجات والشات كل واحد عارف نفسه وأنا إنسانة كل اللي بيحبوني عارفين قد ايه أنا راضية ومش فارقلي حاجة انا بوريكم بتسلى معاكم خلونا مقتنعين بأني ولا حزينة ولا مضايقة، دول حسالة المجتمع ناس مرضى نفسيين عندهم أمراض نفسية وبيطلعوها على ناس تانية غيرهم، مش قصة كبري دماغك، أنا مش هكبر دماغي وهدجيهم أهمية وهفضحهم وأحط صورهم، أي واحد أو واحدة هيفكر يقل أدبه عندي على الإنستجرام هرد عليه، عشان أحنا لازم نتخلص من الأشكال القذرة دي، على السوشيال ميديا، لأن مافيش أي مخلوق خلقه ربنا معاه الحق أنه يدخل يهين أي بني أدم سواء مشهور أو مش مشهور، أي حد اتعرض لإهانة أو وجع نفسي افضحوهم، أفضحوا كل واحد قذر”.
جوري بكر: “هلجأ للنقابة والقضاء”
واستكملت جوري بكر حديثها قائلة: “دي حاجة بسيطة من اللي أحنا بنشوفه، وأنا شايفة أن كل الشغلانات شريفة اي حد بيشتغل مش قاعد عاطل باطل، بيرازي في الناس مش متربي قذر فأنا واحدة شقيانة زيي زي أي حد في أنهي شغلانة، أنا كويسة ومش مضايقة ولا فارقلي كل القرف ده ولو الموضوع زاد عن حده عندنا النقابة بتاعتنا نقابة محترمة هضطر ألجأ للنقابة وللقضاء، وهفضحكم تاني”.
