"أشكال قذرة وحُسالة المجتمع".. أول تعليق من جوري بكر بعد انتقاد عمرتها
خرجت الفنانة جوري بكر لترد بنفسها على موجة الانتقادات التي وجهت لها بسبب قيامها بأداء مناسك العمرة مؤخرًا، وربما رأي البعض أن عمرتها لن تُقبل بسبب مهنتها، ولذلك اضطرت إلي أن توجه رسالة خاصة للمنتقدين، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
جوري بكر: “أنا كويسة ومش فارقلي حسالة المجتمع”
وقالت جوري بكر في الفيديو: “يارب يومكم يبقى حلو وجميل وبركة وخير وسعادة، بس صدقوني أنا بقرأ الحاجات دي كلها وباشوف المسدجات والشات كل واحد عارف نفسه وأنا إنسانة كل اللي بيحبوني عارفين قد ايه أنا راضية ومش فارقلي حاجة انا بوريكم بتسلى معاكم خلونا مقتنعين بأني ولا حزينة ولا مضايقة، دول حسالة المجتمع ناس مرضى نفسيين عندهم أمراض نفسية وبيطلعوها على ناس تانية غيرهم، مش قصة كبري دماغك، أنا مش هكبر دماغي وهدجيهم أهمية وهفضحهم وأحط صورهم، أي واحد أو واحدة هيفكر يقل أدبه عندي على الإنستجرام هرد عليه، عشان أحنا لازم نتخلص من الأشكال القذرة دي، على السوشيال ميديا، لأن مافيش أي مخلوق خلقه ربنا معاه الحق أنه يدخل يهين أي بني أدم سواء مشهور أو مش مشهور، أي حد اتعرض لإهانة أو وجع نفسي افضحوهم، أفضحوا كل واحد قذر”.
جوري بكر: “هلجأ للنقابة والقضاء”
واستكملت جوري بكر حديثها قائلة: “دي حاجة بسيطة من اللي أحنا بنشوفه، وأنا شايفة أن كل الشغلانات شريفة اي حد بيشتغل مش قاعد عاطل باطل، بيرازي في الناس مش متربي قذر فأنا واحدة شقيانة زيي زي أي حد في أنهي شغلانة، أنا كويسة ومش مضايقة ولا فارقلي كل القرف ده ولو الموضوع زاد عن حده عندنا النقابة بتاعتنا نقابة محترمة هضطر ألجأ للنقابة وللقضاء، وهفضحكم تاني”.
جوري بكر تخرج عن صمتها
خرجت الفنانة جوري بكر عن صمتها لترد على التعليقات الموجهة لها عن علاقتها بربنا، وعن إنتماءها الدين وغيره، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
وقالت جوري بكر في منشورها: “بجد بقى كفاية، مين انتوا عشان تحكموا على علاقتي بربنا، مين اداكم الحق تقرروا إن عمرة حد اتقبلت ولا لا، إنتوا بقيتوا قضاة فجأة، ولا شايفين نفسكم أوصياء على الناس، اللي بيني وبين ربنا حاجة تخصني أنا وبس، لا أنت شايف قلبي ولا عارف نيتي، ولا شفت دموعي ولا دعائي، الدين مش شتيمة ولا إهانة ولا تكفير للناس، الدين أخلاق ورحمة وستر، قبل ما تحاسبوا غيركم حاسبوا نفسكم الأول، وقبل ما تتكلموا عن ربنا، اتعلموا أن ربنا هو الوحيد الله له الحكم، أنا مش محتاجة تقييم من حد واللي مش عاجبه ببساطة يتكلم عن نفسه ويسيب الناس في حالها”.
