الفنانة المعتزلة زيزي عادل تنصح الفتيات: اوعي تتجوزي واحد مبيصليش
وجهت الفنانة المعتزلة زيزي عادل نصيحة لمتابعيها من الفتيات بشأن اختيار شريك الحياة.
وكتبت زيزي عادل عبر حسابها بموقع إنستجرام:"اوعي تتجوزي واحد مبيصليش اللي مبيعملش حساب لربنا، مستحيل هيعمل حساب لعباده.. اختاري اللي بيخاف ربنا عشان لما يزعل يتقي ربنا فيكي.. الجواز مش مجرد "ليلة العمر"، ده "بقية العمر" بس لو اخترت الشخص صح.. بيبقى أحلى مخاطرة في الدنيا".
زيزي عادل تتحدث عن انزعجاها من تعليقات المتابعين
على جانب آخر، كانت زيزي عادل كشفت أن أكثر ما أزعجها بعد ارتداء الحجاب واعتزال الفن، تعليقات البعض السلبية، :"أكتر كومنت ضايقني حد قالي اعتزلي في صمت، ليه يعني هو أنا بعمل حاجة عيب فلازم أخبي؟، أنا كان تفكيري أن لعل وعسى حد يسمع الفيديو أو يتفرج عليه ويقلدني، وده حصل بالفعل من ناس كتير، وفعلا في مطربة كانت في عرب اكس فاكتور وكلمتني وقالتلي أنا سعيدة لك أوي بالخطوة دي، وباركتلي وقالتلي نفسي أخد الخطوة دي بقالي كذا سنة ومش قادرة، وهي المطربة دي تبقى حفيدة أم كلثوم”.
