مش جاي معايا سكة.. زيزي عادل تثير الجدل برأيها في البوركيني
كشفت الفنانة زيزي عادل عن رأيها في ارتداء المحجبات للمايوه الشرعي أو ما يُعرف بالبوركيني، وذلك خلال لقاءها في برنامج البخت المذاع على قناة النهار.
رأي زيزي عادل في البوركيني
حيث قالت زيزي عادل في تعليقها: “مش جاي معايا سكة ومش حباه، مع أني مضطرة ألبسه بس هو بيخنق جدًا، ولأني عاشقة للبحر فبضطر ألبسه وأنزل، وأخر مرة لبست جوانتي عليه عشان أنا جسمي كله بيبقى لون وأيدي لون تاني، فطبعا فرجت الشط كله عليا”.
سبب ارتداء زيزي عادل الحجاب
في سياق متصل، قد كشفت المطربة زيزي عادل عن سبب ارتداءها الحجاب واقترابها من الله في الفترة الأخيرة، وذلك من خلال تصريحاتها من لقاءها في برنامج قعدة الستات الذي تقدمه الإعلامية مروة صبري.
حيث قالت زيزي عادل في حديثها: “كل اللي بيقربوا من ربنا بيكونوا مثلا تعبانين وعايزين يخفوا أو ربنا شافهم فحسوا قد ايه هما كانوا بعيد، لكن أنا خوفت من الموت، مش معنى أني سني إلي حد ما صغير أن الموت بعيد، الموت مبيفرقش بين سن، كان لازم أخد الخطوة دي بدري وأنا عايشة، لأنه يا تلحق يا متلحقش”.
رد زيزي عادل على تعليقات الجمهور
وتطرقت زيزي عادل في حديثها إلي تعاملها مع تعليقات الجمهور على حجابها حيث قالت: “أكتر كومنت ضايقني حد قالي اعتزلي في صمت، ليه يعني هو أنا بعمل حاجة عيب فلازم اداري، أنا كان تفكيري أن لعل وعسى حد يسمع الفيديو أو يتفرج عليه ويشوف إيه ده الله إزاي زيزي قدرت تاخد الخطوة وهما كمان ياخدوها، وده حصل بالفعل من ناس كتير، وفعلا في مطربة كانت في عرب اكس فاكتور وكلمتني وقالتلي أتا مبسوطالك أوي بالخطوة دي، وباركتلي وقالتلي نفسي أخد الخطوة دي بقالي كذا سنة ومش قادرة، وهي المطربة دي تبقى حفيدة أم كلثوم”.
