بعد عودتهما.. زوجة أحمد مكي تغازله: "أنا من غيرك بتوه توهان"
خرجت خبيرة التجميل مي كمال الدين لتغازل زوجها الفنان أحمد مكي، خاصة بعد أن عادوا إلي بعض مؤخرًا، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
مي كمال الدين تغازل زوجها أحمد مكي
حيث قالت مي كمال الدين في منشورها: “أنا من غيرك بتوه توهان، لولا وجودك في حياتي أنا كنت زماني يا موت من اللي بشوفه من صدمات، يا سلمت ووقعت، الله يديمك بحياتي ويحفظك، ويقدرني أسعدك وأردلك لو جزء من اللي بتعمله معايا، بحبك جدًا جدًا شكرًا، شكرًا من القلب أنك بتقويني بعد ربنا، وأن كلامك بيفوقني كتير، خلتني أشوف حقيقة بشر كتير وأقرب ناس، واتحمل صدمات ومردش الآذى بآذى، كل كلمة ليك ونصايحك ليا بمثابة أب اتحرمت من وجوده، ومافيش سند حقيقي بعد الأب الله يرحمه، لقيتك السند وكلامك قواني أوي، أنا لو بأيدي هديلك روحي من غير ما افكر، لأنك تستاهل ده وأكتر”.
عودة مي كمال الدين وأحمد مكي
وقد أعلنت طبيبة التجميل مي كمال الدين عودتها لطليقها الفنان أحمد مكي، في تصريحات لـ نيوز رووم، وكانت مي كمال الدين أثارت جدلًا كبيرًا أمس حول عودتها لمكي حيث نشرت صورته عبر حسابها بموقع إنستجرام، مرفقة بمقطع من أغنية للهضبة أعربت فيه عن حبها الشديد لمكي، مع تاريخ 14 أبريل أي موعد العودة.
مي كمال الدين وأحمد مكي
ونشرت مي كمال الدين عبر حسابها بموقع إنستجرام صورة أحمد مكي، وعلقت بمقطع من أغنية للهضبة عمرو دياب: “ابتسامتك أنا أشتريها بالحياة دي واللي فيها هو مين حسسني بيها غيرك انت وانت عارف ليه اؤمر انت الأمر يمشي حد هنا ضايقك هيمشي ما انت عارف انت عندي إيه دي الدقيقة معاك بعمري ياللي عمري ما بتداش غير وانت جنبي بحبك يا أحمد”.
وجاءت التعلقيات على المنشور كالآتي: “بس هو بردو جدع وبيحبك ومحترم وابن أصول وقدر حبك ليه ..اقفلوا علي حبكم وماتدخلوش اي بشر مابينكم يارب الهنا والفرح والستر وراحة البال ليكم”، “يا حبيبتي الف الف مبروك يارب العمر كله مع بعض”، “ربنا يبارك فيكي ويحفظك ويطيب خاطرك ويوفقك ويسعدك ويبعد عنك كل سوء وشر وأشوفك مبسوطة وسعيدة وفرحانة وسالمة وناجحة يارب العالمين”.
