مي كمال طليقة أحمد مكي : اتصدمت لما الأمور الخاصة بينا اتعرفت من اللي حواليه
نشرت خبيرة التجميل مي كمال الدين طليقة الفنان أحمد مكي منشورا جعلها تخرج عن صمتها،وكشفت بعض التفاصيل من ارتباطهما وسبب انفصالهما، مؤكدة أنها تحدثت بسبب كمية التهم التي وجهت إليها من البعض بسبب عدم احترام خصوصيتهم بعد الانفصال.
وكتب مي كمال عبر حسابها الرسمي على موقع التواصل الاجتماعي إنستجرام: في حديث آية المنافق ثلاث إذا حدث كذب، وإذا عاهد أخلف، وإذا خاصم فجر، والصفات دي مش هتكون فيا لو على موتي، أولا خصوصية إيه اللي أنا محترمتهاش هل أنا نشرت شيء خاص بیني وبین أحمد، هل أنا خرجت وشتمت أحمد.
وتابعت: هل قولت فيه كلمة تعيب فيه زي ما البعض وأغلب الناس والمشاهير تحديدا بيعملوا كده في وقت الخلاف،
على فكره الآلية سهلة والفضايح سهلة، بس مش من طبعي ولا تربيتي أنا اتقيت ربنا في نفسي وفيه.
وأضافت: إيه كمية التهم اللي نازلة ترف عليا وأنا اقتحمت خصوصيته وخلفت العهد، مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا
خلى حتى اللي بينا يروح في حتة مكنتش أنا متخيلاها.
وتابعت: وقتها رضيت وسكت واحترمت أزمة وفاة والدته جدا لأن أنا بحبها وبحترمها جدا الله يرحمها طلبت منه برد جزء من اللي بيحصلي من ناس من طرفه مكنش فيه أي رد فعل منه اكتشف بعد شهور تحديدا يوم عيد ميلاده فيديو ملهوش أي لازمة إن أحمد له علاقة بـ حد معين وبعدها فيديو ينزل ليا بصوري وإن أنا عروسة أحمد مكي.
وتطرقت في الحديث قائلة : حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه وبرضه المشاكل وقلة أدب من اللي حواليه مرحمتنيش، ومسدجات خاصة بينا وأمور خاصة بينا اتعرفت عند اللي حواليه معرفش منين أنا اتصدمت جدًا.
وأضافت : إزاي ودي بيني وبينه هو فقط، بعتله إني ساكتة احتراما لوالدته وأخوه الكبير فقط مش أكتر، ولحد دلوقتي بعمل كده علشان والدته وأخوه فقط فسبب كلامي، وأنا مبحبش أبان ضعيفة أو مكسورة أو أصعب على حد ولا بحب الصعبانيات، فعلا بحترمه وبقدر الخير الى بينا.
واختتمت : مينفعش أنا أو هو مهما كان بينا يتقال كلام أكاذيب زي الي سمعتها من اللي حواليه عارفة أنه اضايق بسبب موضوع السوشيال ميديا بس ليه الهوجة مطلعتش وقت أن اتقال عروسة أحمد مكي، أنا برد جزء كبير من نفسيتي اللي تشوهت وحتى الآن أنا شايلة اسم أبويا الله يرحمه، مش فارقلي حد، هل طلبت حق من أحمد أو يرد لي ربع اللي عملته معاه؟ أحمد نفسه عارف إنه مشفش مني غير كل خير وأنا كذلك هفتكر له الخير في الأصول احتراما لوالدته الله يرحمها وتقديرا لها.
مي كمال الدين تعلن انفصالها عن أحمد مكي
في سياق منفصل، أكدت خبيرة التجميل مي كمال الدين انفصالها عن الفنان أحمد مكي ونشرت عبر صفحتها الرسمية على موقع تبادل الصور والفيديوهات إنستجرام منشورًا في الأستوري تؤكد فيه ذلك، حيث كتبت مي كمال الدين: “أنا محبتش حد في حياتي غير أحمد مكي ومش هحب بعده .. وبعلن انفصالي للمرة المليون ربنا يوفقه في حياته”.
وكانت نفت خبيرة التجميل مي كمال الدين الأنباء المتداولة بشأن ارتباطها بالفنان أحمد مكي، مؤكدة أنهما انفصلا، حيث كتبت مي كمال الدين عبر ستور حسابها بموقع تبادل الصور والفيديوهات إنستجرام: “أنا وأحمد منفصلين وكل الأخبار المتداولة عن غير ذلك غير صحيحة”.
