بيشوهوا صورتنا.. ردّ قاطع من شعبة المصورين على أزمة جنازة الراحل سليمان عيد
علق مجدي إبراهيم رئيس شعبة المصورين الصحفيين بنقابة الصحفيين على واقعة أزمة المصورين خلال جنازة الفنان سليمان عيد؛ قائلا: «حصل تجاوز وسب وقذف للزملاء المصورين من الفنان المخرج محمد السباعي، وعلقت الفنانة آية أيضا على البوست الخاص بيه، وكان فيه لفظ غير ظريف منها للمصورين الصحفيين».
وأضاف رئيس شعبة المصورين الصحفيين خلال مداخلة هاتفية ببرنامج «الساعة 6» والمذاع عبر قناة «الحياة» تقديم الإعلامية عزة مصطفى: «الصورة اللي محمد السباعي ناشرها على صفحته وكاتب عليها السب والقذف يمكن اكتر شخصية ظاهر فيها المصور أحمد حماد في الإذاعة والتلفزيون وبجواره عدد من الزملاء المصورين».
واستكمل: «خلينا نقول إن الصورة اللي هو نفسه ناشرها وهو الزميل والمصورين واقفين ورا الحاجز الأمني اللي موجود ومفترض المصورين يقفوا فيه، لكن كل جنازة ويمكن دي الأزمة اللي إحنا كمصورين صحفيين بنعاني منها اكتر من أي حد تاني لأن دول اللي بيمنعونا عن أداء وظيفتنا ودول اللي بيشوهوا قيمتنا البلوجرز وأصحاب الصفحات الشخصية، لما بينزلوا صورة زي دي في الأحداث اللي زي دي من هذا النوع بيجلهم ترافيك ومشاهدات وبيتربحوا من وراء هذا العمل اللي بشوفه لا يصح ولا يجوز إن يكون دا المجال اللي بيتربحوا منه».
وأكد: «لكن كل مرة لما تحصل أزمة وتحصل مشكلة بنقول يا اخوانا دول مش احنا، إحنا أي ذنبنا إن في كل مناسبة يحصل تجاوز من حد من دول إحنا المصورين الصحفيين اللي واقفين بالتزام وواقفين باحترام نتشتم كل مرة ويتقال المصورين الصحفيين وألفاظ خارجة وجارحة، لا يصح».
من ناحية أخرى؛ أرثى الفنان حمدي الميرغني، خاله الراحل سليمان عيد، والذي وافته المنية صباح الجمعة الماضية، تاركًا بصمة واضحة في مجال الفن على مدار مسيرته، كما ترك حزن كبير لدى الجمهور وزملائه في الوسط الفني.
حمدي الميرغني يودع خاله سليمان عيد
وشارك حمدي الميرغني عدد من الصور التي جمعته بـ سليمان عيد، وعلق موعدًا خاله : “وداعاً ياخال ..كنت مثالي في كل شئ .. كنت أب مثالي ، كنت زوج مثالي ، كنت أخ مثالي .. كنت صاحب مثالي كنت فنان مثالي .. كنت أنسان مثالي”.
