ماهر فرغلي يستعرض تساؤلات تامر حسني حول النظام الغذائي: «فتنة الأدوية في مصر»
أثارت تساؤلات طرحها المطرب تامر حسني حول الغذاء والصحة والأدوية حالة من الجدل عبر مواقع التواصل الاجتماعي، إذ تناولها الكاتب والباحث السياسي ماهر فرغلي، لها في سياق حديثه عن ما وصفه بـ«فتنة الأدوية في مصر»، وما يرتبط بها من نقاشات عامة حول سلامة الغذاء والدواء.
وقال ماهر فرغلي في منشور له عبر حسابه على منصة إكس: «فتنة الأدوية في مصر والمطرب تامر حسني يناشد وزارة الصحة، إيه الأكل المفيد لينا وإيه اللي مش مفيد؟ وياريت يكون شرح مفصل يفهمه الشخص العادي من غير أي مصطلحات طبية أجنبية، هل الخضار أمثال الخس والجرجير وورق العنب وكل الورقيات مفيدة ولا لأ؟ وإزاي نطمن إنها مش مرشوشة مواد تمرض الناس؟ إزاي ناكل البيض والفراخ اللي في بلدنا؟ وإزاي نميز ونطمن إنهم مش محقونين؟ وإزاي نعرفهم لو محقونين؟ هل شرب المية بكثرة كما تعلمنا مفيد ولا لأ؟ وهل الحليب مضر ولا كويس وإيه الصح اللي نشربه؟ وهل الأدوية لازم تتاخد ولا مش لازم؟ ولا مش أي أدوية تتاخد؟».
وفي وقت سابق،ناشد الفنان تامر حسني وزارة الصحة والسكان لعمل فيديوهات توعوية وتقديم نصائح للجمهور بما يؤكل أو نمتنع عنه، بالتزامن مع انتشار ما يُسمى بالفتنة الغذائية بعد نظام الطيبات الذي أطلقه ضياء العوضي، وذلك من خلال منشور عبر حسابه الرسمي على موقع التواصل الإجتماعي فيسبوك.
الفتنة الغذائية
حيث قال تامر حسني: “في ظل الفتنة الغذائية اللي حاصلة في مصر وحديث كل الناس دلوقتي عن إيه المفيد لينا وإيه المضر هل ممكن أناشد وزارة الصحة المصرية وكبار الدكاترة المختصة وأصحاب المستشفيات بردود كافية فيها شرح مفصل عن إيه الأكل المفيد لينا وإيه اللي مش مفيد وياريت يكون شرح مفصل يفهمه الشخص العادي من غير أي مصطلحات طبية أجنبية؟؟؟”.
أسئلة طبية شائعة
واستكمل تامر حسني منشوره موضحًا: “أولاً الخضار أمثال الخس والجرجير و ورق العنب وكل الورقيات مفيدة ولا لأ، وإزاي نطمن إنها مش مرشوشة مواد تمرض الناس، ثانياً البيض والفراخ اللي في بلدنا ناكله إزاي وإزاي نميز ونطمن إنه مش محقون وإزاي نعرفه لو محقون، ثالثاً شرب المية بكثرة كما تعلمنا مفيد ولا لأ، رابعاً الحليب مضر ولا كويس وإيه الصح اللي نشربه، خامساً الأدوية لازم تتاخد ولا مش لازم ولا مش أي أدوية تتاخد!!!”.
مناشدة تامر حسني لـ وزارة الصحة والسكان
واختتم تامر حسني منشوره هكذا: “أناشد وزارتنا المصرية تعملنا ڤيديوهات حد يطلع يكلمنا بالعامية ويرد بالتفصيل وبالأدلة العلمية على كل ده وياريت يساعدني صديقي المحترم الأستاذ الفاضل أيمن عباس بما إنه صاحب أكبر المستشفيات ياريت يطلعلنا دكاترة من عنده مختصة يعملوا ڤيديوهات ترد على كل اللي حاصل في مجتمعنا وبناشد برضو الدكتور العظيم، مجدي يعقوب يدينا من خبرته العظيمة والدكتور الكبير حسام موافي ويساعدونا الفترة دي كشعب ويريحونا من الجدل الفظيع ده، لأن محدش بقى عارف ياكل إيه ومياكلش إيه وثوابت كتير اتغيرت بين يوم وليلة، أرجوكوا متسيبوناش كده لا إحنا ولا ولادنا، وارجع وأقول محتاجين حد يكلمنا بطريقة بسيطة عامية يشرح فيها بالتفصيل وبالأدلة إيه غلط وإيه صح وأنا ليه بقول محتاجين أكتر من جهة تتكلم!!؟ عشان كلنا نطابق الكلام ببعضه مع المنطق ونحكم صح، وشكراً”.
