يارا السكري: مبحبش ألعب دور الأم مع الشخص اللي بحبه.. عايزة أكون “حبيبته”

قالت الفنانة يارا السكري، خلال لقائها مع الإعلامية إسعاد يونس في برنامج “صاحبة السعادة” المذاع على قناة DMC، إنها غير مقتنعة بدور “الأم” اللي ممكن بعض البنات بتاخده في العلاقة العاطفية مع شريك حياتها.

العلاقة بين الست والرجل من وجهة نظر يارا السكري

وأوضحت يارا إن تجربتها وخبرتها خلتها تراجع الفكرة دي، وقالت إنها اكتشفت إن العلاقة مش المفروض تكون مبنية على إن الست تتحول لشخص مسؤول عن كل تفاصيل الرجل أو تتعامل معاه كأنه ابنها.

وأضافت إنها شايفة إن ده بيخلي الطرف التاني يعتمد بشكل زائد وبيفقد الإحساس بالمسؤولية، مؤكدة إن العلاقة الصحية لازم يكون فيها توازن، وإن كل طرف يفضل محافظ على دوره الطبيعي.

يارا السكري: بفضل أكون “حبيبة” مش “أم”

وتابعت يارا إنها بتفضل تكون “حبيبة” مش “أم” في العلاقة، قائلة إنها عايزة تحس برجولة وشخصية كاملة في الطرف الآخر، وفي نفس الوقت تحس هي بدورها كأنثى وحبيبة مش مسؤولة عن إدارة كل شيء.

وأشارت إلى إنها مش ضد الاحتواء أو الدعم وقت ضعف الشريك، بالعكس ده جزء طبيعي في أي علاقة، لكن بشرط إنه ما يتحولش لدور دائم يخلي العلاقة مختلة.

وأكدت على إنها بتدور على علاقة متوازنة فيها حب واحتواء، لكن كل طرف فيها محافظ على هويته ودوره الحقيقي.

كشفت الفنانة يارا السكري، لأول مرة، عن مواصفات “فتى أحلامها” خلال لقائها في برنامج “صاحبة السعادة”، وجاءت إجاباتها عفوية ومليانة خفة دم.

بشنب ولا من غير شنب

وقالت يارا خلال لقائها ببرنامج صاحبة السعادة، إن الشكل الخارجي ليسهو الأهم بالنسبة لها، موضحة: “مش فارق معايا بشنب ولا من غير شنب، ولو ساي دقنه المهم تكون مترتبة ومهندمة، مش شكلها عشوائي”.

وأضافت إنها تميل أكتر للراجل اللي بشعر، قائلة: “بصراحة ما بميلش للأصلع، ما حصلتش معايا قبل كده”، مشيرة كمان إنها بتفضل البشرة القمحية أو السمراء: “بحب من الخمري للأسمر أكتر”.

من الوسط الفني ولا لأ

 أكدت إن المجال مش فارق معاها، لكن الأهم يكون شخص ناجح في شغله، قائلة: “مش مهم يشتغل في الفن أو برا الفن، المهم يكون بيشتغل وناجح”.

وشددت على إنها تفضل الرجل الرياضي، وكمان اللي يجمع بين صفات “ابن البلد” والراجل الشيك، موضحة: “بحب الميكس ده… شوية جدعنة وشوية شياكة، لأن أنا كمان كده”.