«قدمها قربانا للعاصفة».. ياسمين عز تثير الجدل بتعليق ساخر على حالة الطقس
قالت الإعلامية ياسمين عز: «يعني أنت يا شيماء يوم ما تبقي حاجة هتبقي عاصفة ولا دكتورة ولا عالمة فلك، أنت مجرد عاصفة تهبي وتمشي ومش أنا اللي بقول الأرصاد هي اللي بتقول والعالم في اللي مكفيه ومحدش ناقص وإحنا كلنا أصلا تعبانين يا شيماء».
وأضافت: خلال حلقة اليوم من برنامج «كلام الناس» المذاع عبر شاشة ام بي سي مصر: «أهم حاجه يا شيماء متغسليش الستاير اللي ريحتها فسيخ ورنجة دلوقتي، أغسلي بعد العاصفة».
وتابعت: «نصيحتي في الطقس ده للرجاله لو مراتك اسمها شيماء قدمها قربان للعاصفه والبقاء للأقوى».
علقت الإعلامية ياسمين عز، على اقتراح رخصة الجواز للشباب، قائلة: «حد اقترح إنه الشباب لازم ياخدوا رخصه للجواز قبل ما يتجوزوا طب والبنات تعمل ايه بقا تخش بطولها منغير رخصه».
وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «طب إيه يعني عايزين الراجل يبقى بيعرف يعمل إيه ،دي رخصة لأيه يعني ما هو يعرف كل حاجه وعنده فكره عن كل حاجه، أنا همتحنه في أيه أقول له دوق الرز شايط ولا لا».
وتابعت: «كلام أنا مش حباه خالص الشاب المصري عندنا جاهز من مجاميع وهو بنفس الرخصه ومش محتاج ياخد رخصه ده هو يقعد ويعمل امتحان ويدي للناس رخصة وأنا مش قابله الكلام ده وهنعمل نفسنا مسمعناش الكلام ده يا إما نعمل مساواه، وبعدين الراجل أصلا خلقه في مناخيره ومش لاقي يتجوز اعملوا الكلام ده في البلاد البارده في روسيا أو سويسرا معندناش أصلا حد هيتجوز»
وواصلت: «طب ما نشوف البنت بتعرف تحشي المحشيايه قد اختها ولا لا ولو جوزها زعل منها هتعمل ايه ونديها اختيارات ونوقعها، ولا هو الراجل بس، ياريت محدش يتكلم في الموضوع ده تاني ياجماعة الكلام مش عاجبني».
وفي وقت سابق، جهت الإعلامية ياسمين عز رسائل مباشرة للسيدات تزامنا مع تغيير الملابس من الشتوي إلى الخريفي.
شحتيه ووزعيه
وحذرت ياسمين عز خلال برنامجها «كلام الناس» المذاع على شاشة «MBC مصر»، من فكرة التمسك بالملابس القديمة التي لم تعد تناسب المقاس الحالي، قائلة: «تلاقي فستان خلاص مبيدخلش فيكي.. شحتيه، وزعيه، طلعيه صدقة.. إنتي مقاسك دلوقتي 44 والبلوزة 38.. عم محمد الخياط هيعمل إيه في الـ 6 سم دول؟».
