ياسمين عز: حسبتها بالورقة والقلم لقيت مرتب المواطن ميكفيش لكن بتمشي ببركة ربنا

قالت الإعلامية ياسمين عز: «الناس كلها اتفاجئت بعد رفع أسعار الكهرباء إن أي حد عنده عداد كودي إنه تحول بعد أخر شحنه وبقى يشتغل بأعلى شريحة بدل من نظام التدرج».

واضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «وده هيرفع قيمة الفاتورة لثلاث أضعاف والناس ملهاش ذنب الناس ذنبها إيه إن اصحاب العمارات والمقاولين هم اللي عملوا مخالفات».

 رفقا بالناس سهلوا المصالحات على المخالفات

وتابعت: «إحنا طول عمرنا شعب بيتحمل الزلط لكن الناس ذنبها غيه يا جماعه رفقا بالناس سهلوا المصالحات على المخالفات للناس بلاش الظلم يبقى عام وارتفاع السعر يبقى عام عايزين رد لو سمحتم مينفعش المواطن اللي كان عامل كل اللي عليه يتظلم».

وواصلت: «الناس يا دوب بتكفي أكل وشرب، أنا قعدت أفكر وأحسبها للناس بالورقه والقلم لقيتها مبتمشيش لكن بحسابات ربنا بتعدي هي ماشيه ببركه ربنا».

وفي وقت سابق، طالبت ياسمين الزوجات بالتوقف عن استرجاع ذكريات فترة الخطوبة والتحسر على تبدل الحال، قائلة: «متقعديش تمسكي البلوزة وتقولي دي لبستها لما قال لي بحبك وتنكدي على الراجل.. مش وقتك خالص الدنيا بايرة والجو زي الزفت».

العالم بيولع

وقالت ياسمين إن العالم يمر بظروف صعبة ولا يتحمل دراما الملابس: «مش هنقعد نفكر في الذكريات مش وقته، العالم بيولع»، مقترحة على من لا تريد تنزيل الخريفي أن تظل بملابس الشتاء وتتحمل الحرارة أو «تهوي بهواية».

كشفت الدكتورة منار غانم، عضو المركز الإعلامي بهيئة الأرصاد الجوية، عن أسباب الارتفاع المفاجئ في درجات الحرارة الذي شهدته البلاد اليوم، مؤكدة أن ذروة الارتفاع سجلت 37 درجة مئوية في القاهرة الكبرى، وهو ما يزيد عن المعدلات الطبيعية بنحو 12 درجة.

ننام في البرد نصحى على الصهد

وبدأت الإعلامية ياسمين عز حديثها خلال برنامها «كلام الناس» المذاع على شاشة «MBC مصر»، بوصف دقيق لحالة المواطنين مع تقلبات الجو قائلة: «ننام في البرد نصحى على الحر.. تنام في البراد تصحى على الصهد»، متسائلة عن حقيقة دخول فصل الصيف مبكرا.