فرح الزاهد تكشف معاناتها مع الوسواس القهري: مش ببقى عايزة أسلم على الناس
كشفت الفنانة فرح الزاهد عن معاناتها من مرض الوسواس القهري، مشيرة إلى أنها أصيبت له منذ كانت في عمر 7، قائلة: «كنت طول الوثت بروح اتأكد إن الباب مقفول لحد ما حد شخصني بالوسواس القهري وبدأت اتعالج منه».
وأضافت، خلال استضافتها في برنامج «الستات» المذاع عبر شاشة النهار: «أنا تعافيت جدا من المرض يعني فاضل حاجه بسيطة وأكون تعافيت تماما، وبتعصب جدا من البنات اللي بتفضل تتريق وتقول مش هعرف أعمل كذا علشان عندي وسواس قهري، يا جماعة هو مش لعبة وفي ناس فعلا بتنتحر بسبب المرض ده».
وتابعت فرح الزاهد: «أنا عامله فيلم قصير عن المرض ده وهيتعرض في مهرجان أسوان، وأنا اللي قررت أعمله وسعيدة إنه خلاص هيظهر للناس، لأن المرض زاد عندي جامد وقت الكورونا وقبل ما اشتغل».
وواصلت: «تعبت جدا جدا من المرض ده لأني مرات كنت بسلم على الناس وأنا مش عايزة أسلم لكني عمري ما كسفت حد، ومره حصلي انهيار بسبب الاستايلست بتاعتي علشان كانت بلتلمس هدومي».
وفي وقت سابق، أكدت الفنانة فرح الزاهد سعادتها الكبيرة بردود فعل الجمهور على دورها الأخير في مسلسل «روج إسود» الذي تم عرضه خلال السباق الرمضاني الأخير لهذا العام، مشيرة إلى أن تفاعل المشاهدين مع الشخصية كان مؤثرا للغاية، خاصة بعد الرسائل التي تلقتها من فتيات يعانين من العنف الأسري.
وقالت فرح الزاهد، خلال مداخلة عبر قناة الشمس، إنها تأثرت بشدة بحجم التعاطف مع الشخصية التي جسدتها خلال المسلسل، موضحة: «انبسطت جدا إن الناس فهمت الدور وحست بيه، وده بالنسبة لي أهم حاجة».
ليس مجرد أداء تمثيلي
وأضافت أن العمل لم يكن مجرد أداء تمثيلي، بل تجربة إنسانية حقيقية، مؤكدة أنها تلقت العديد من الرسائل من فتيات عبرن عن تشابه معاناتهن مع ما تم تقديمه، قائلة: «كان قلبي معاهم بجد واتمنيت إنهم يقدروا يتعلموا من الشخصية».
وشددت «الزاهد» على ضرورة تصحيح المفاهيم الخاطئة حول فكرة التحمل، مؤكدة: «في بنات كتير شايفة إن تحمل الإهانة أو الضرب نوع من القوة، لكن الحقيقة إن ده ضعف مش قوة».
وأضافت: «القوة الحقيقية إنك تقولي لأ لأي إهانة، وإنك تبقي عارفة قيمتك كويس وما تسمحيش لحد يقلل منك».
واختتمت حديثها برسالة مباشرة للفتيات، مؤكدة أن الاستمرار في علاقات مؤذية ليس حلا، بل يجب اتخاذ موقف حاسم، قائلة: «القوة إنك تحاولي تعيشي من غير الشخص اللي بيأذيكي، وتحافظي على كرامتك».
