أحمد غانم: مبادئ الأهلي ماتت وهيخرج بموسم صفري.. والزمالك كان هيقلب لمطعم

انتقد أحمد غانم سلطان نجم الكرة المصرية السابق، سيد عبد عبد الحفيظ المشرف العام على الكرة بالنادي الأهلي، بسبب مباراة سيراميكا كليوباترا
وقال غانم سلطان في تصريحات مع سهام صالح لبرنامج الكلاسيكو: مينفعش سيد عبدالحفيظ عضو مجلس ينزل الملعب ده مش صح خالص ، حق الحكم فين طالما الأهلي بيدور

واضاف: مش عاوز اقول ان الحكم اتضرب على قفاه من الشناوي هو فين حقه ده شكله ايه قدام أسرته
وتابع: أوسكار ده لازم يمشي لأن كل تصريحاته غلط، شكوى الأهلي هياخدها في الجنة
وواصل: سموحه هيصعد الأمر لمين للاربعه اللي بيشجعه، الأهلي بيعمل كل ده عشان يضحك على جماهيره وعاوز يبوظ الدوري
واكمل: جماهير الأهلي فاهمه وواعيه وعارفين أنك بتعمل كل ده عشان ناظري ، مبادئ الأهلي وقعت كلها في الأرض لاعيب يقفل تليفونه والتاني يشتم ويجي

أكد أحمد غانم سلطان نجم الكرة المصرية السابق، أن الأهلي لم يحصل على اي بطولة في هذا الموسم

وقال غانم سلطان في تصريحات مع سهام صالح لبرنامج الكلاسيكو: الأخطاء اللي عملوها الزمالك في ٢٠ سنه .. الأهلي عملها ف ٤ شهور ، والأهلي طول عمره بياخد حقه

واضاف:الزمالك اتجامل كتير حتى في جيلي ، وضربة جزاء اللي متحسبتش لسموحة في الأهلي .. لو كانت للأهلي كان الحكم حسبها قبل اللاعب يوقع

وواصل: الزمالك والاهلي هيتجاملوا لحد مالكورة تقفل ، ٧ سنين في الزمالك مكناش مقطعين البطولات يعني..

واكمل: اتجاملنا في ماتش بتروجت لعبنا وقت ضائع كتير لحد ماجيبنا جول ، وبيراميدز عنده قوه ماليه بس ولو دخل في قضيه هيخسر عشان ضعيف معندوش ضهر

وأردف: الأهلي بيضغط على الحكام وانا مبسوط أن هاني أبو ريده دايس في الخناقة ومش متراجع عن مشكلة الأهلي ، لو أنا مش مصري وبتفرج ع الكورة في مصر وأن البرامج كلها بتتكلم ع ضربة جزاء بس

الأهلي مش هياخد حاجه السنادي.. الفرقه كلها دي غلط وعدل ربنا ، مصطفى شوبير اللي الناس كانت طالعه بيه السما.. جه دخل فيه جول من نص الملعب .. كان ممكن يصدها بدماغه.. لكن عدل ربنا

وعن رأيه في تصدر الزمالك لبطولة الدوري العام، أشاد أحمد غانم سلطان نجم الكرة المصرية السابق، بنتائج الزمالك في الفترة الأخيرة في الكونفدرالية الأفريقية والدوري المصري الزمالك مر بأزمات كبيرة هذا الموسم والجميع تنبأ بموسم كارثي، والزمالك كان هيقفل السنادي وهيقلب مطعم.. وما يحدث حاليًا طفرة

وتابع: الأهلي مش هياخد حاجه السنادي.. الفرقه كلها دي غلط وعدل ربنا، واختتم: مصطفى شوبير اللي الناس كانت طالعه بيه السما.. جه دخل فيه جول من نص الملعب .. كان ممكن يصدها بدماغه.. لكن عدل ربنا