مروة صبري عن سيدة سموحة: "اللى بينتحر ده شخص غير متزن نفسيًا"
علقت الإعلامية مروة صبري عن كافة التعليقات الهجومية على سيدة سموحة واتهامها بالكُفر، وذلك من خلال منشور عبر حسابها الرسمي على موقع التواصل الإجتماعي فيسبوك.
مروة صبري ترد على هجوم فتاة سموحة
وقالت مروة صبري في منشورها: "مين قال أن الانتحار كفر ؟؟؟، و انتوا مين ياللى بتقولوا ؟، بتحكموا على أن دى كافرة أو دى داخلة النار أو دى داخله الجنة منين، ربنا هو الوحيد اللى مطلع و عالم بالبشر و باللى جواهم، اللى بينتحر ده شخص مش واعى و غير متزن نفسيا و مش لاقى حد جمبه يدعمه أو يسمعه أو يطبطب عليه و شاف ظلم كبير ف الدنيا و وصل لمرحلة من الضعف لدرجة أنه فقد عقله في لحظة، ارحموا بعض و طبطبوا على بعض و كفاية احكام على بعض".
تعليق مروة صبري على واقعة التحرش
في سياق آخر، قد علقت الإعلامية مروة صبري على واقعة التحرش بـ فتاة بالأتوبيس العام، الذي انتشر مقطع الفيديو التي استغاثت من خلاله، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
وقالت مروة صبري: "أنا هقول كلمتين ابرك من مليون طبعا كلنا شوفنا قصة الراجل و البنت اللى كانوا في الاوتوبيس و اللى صورته وقالت انه اتحرش بيها وبيحاول يضايقها بقاله فترة، وكالعادة السوشيال ميديا مقسومة نصين ما بين أن البنت استفزته وأن الراجل معملش حاجة إلا لما هي غلطت فيه الأول و الرأى التانى بيقول أن الراجل اتحرش بيها فعلا، طيب هو ده دلوقتى اتقبض عليه و بيتحقق معاه و الحقيقه هتظهر، ولكن عندى سؤال و ارجوكم حد يرد عليا رد منطقى اقتنع بيه ليه الناس اللى بتدعى أنها متدينة أبعد ما يكون عن الدين ؟؟؟؟؟ ليه لما حد بيتصور و هو بيعمل كارثة يقول اصلكوا ملكوش في الدين؟؟؟؟، ليه الراجل اللى ماسك سبحة أطول منه في الاوتوبيس و شايف البنت بتصرخ و بتستنجد بيه مهزش طوله و دافع عنها أو على الاقل خلص الموضوع؟؟؟؟؟، ليه الست المحجبة اللى قاعدة جنب الراجل اللى ماسك سبحة كانت ساكتة و حتى مقالتش للمتحرش عيب كده دى بنت؟؟؟؟، لييييه بتستخبوا ورا عباية الدين، ياللى مبتنفذوش ابسط أمور الدين؟؟؟؟؟".
