«هو ووالده بيصطادوا».. عمرو أديب يفتح النار على أزمة زيزو مع الزمالك
قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «ما زلنا في مولد زيزو، بقول للزمالك لو سمحتم سيبوا الموضوع خلاص، يا عم انسى زيزو، وليذهب زيزو إلى الأهلي، ينجح يفشل هو وأبوه سيبه، انسى زيزو خالص».
وأضاف الإعلامي عمرو أديب: «انما الأخ زيزو برده هو ووالده بيصطادوا، عاوز تقولي إن الراجل اللي كان بيتفاوض دا ليه 73 مليون عند الزمالك؟، طب هو ليه 73 ولا 9 ولا مش ليه خالص؟».
حركة مش شريفة
وفي وقت سابق من اليوم؛ علق الإعلامي عمرو أديب على أزمة انتقال زيزو إلى الأهلي؛ قائلا: «زيزو مش أول لاعيب يسيب الزمالك ولا آخر واحد هيسيبه، والناس اللي بتشجع الزمالك مش بتشجعه علشان زيزو، الزمالكاوية اتضايقوا من الحركة، حركة مش شريفة، ما اتعملتش بشرف، والغريب إن اللي كان طالع فيها شخصية رياضية بتتكلم عن المبادئ ونادي المبادئ».
وأضاف: «اللي ضايق الزمالكاوية انك بتدي مواعيد وأنت ماضي مع الأهلي في بيت محمود الخطيب من يوم 12، فليذهب زيزو إلى الأهلي، طب ما زيزو كان في الزمالك وكنا بنتغلب وبنتغلب من الاهلي».
واستكمل: «مش دي القضية، القضية في الطرق الملتوية، يا جماعة عاوزين تاخدو الزمالك خدوه، خدوه بحسين لبيب حتى، الفكرة مش في كده».
اللاعب محمد صلاح
وأكمل الإعلامي عمرو أديب: «يا جماعة أما تشوف محمد صلاح، النهاردة قال أنا بقالي 8 سنين واهلي بيحبوا البلد دي؛ موجها رسالة لإدارة الزمالك قائلا: «أنت اتغلبت لانك كنت بطئ، مجلس الزمالك كان بطئ بطؤ السلحفاه، بس النادي كان مطمن إن ابن النادي مش هيسيب النادي».
من ناحية أخرى؛ انتقد الكابتن ياسر رضوان، لاعب الأهلي ومنتخب مصر سابقًا، قرار الكابتن حسام حسن، المدير الفني للمنتخب المصري لكرة القدم، باستبعاد إمام عاشور لاعب النادي الأهلي من قائمة المنتخب في المعسكر والمباريات الأخيرة ضمن تصفيات كأس العالم 2026.
الأهلي وكولر
وقال رضوان خلال لقائه مع الإعلامية إيمان أبو طالب في برنامجها "بالخط العريض" على شاشة "الحياة": "إن استبعاد إمام عاشور كان مفاجأة كبيرة للجمهور والمنتخب، وأتمنى من حسام حسن مراجعة قراره، لأن الاستبعاد تم منه شخصيًا."
