ياسمين عز عن مبادرة 150 جرام دهب للمؤهلات العليا.. هو هيتجوز حتشبسوت؟
علقت الإعلامية ياسمين عز، على مبادرة “تيسير الزواج في المنيا"، قائلة: مدام تيسير بتقول عشان ظروف العالم الصعبة العروسة صاحبة المؤهل العالي يجيلها دهب 150 جرام شبكة، أو مؤخر حسبة مليون ونص جنيه فقط لا غير، أما العروسة اللي مكنتش بتذاكر قوي وبقيت صاحبة مؤهل متوسط هيجيلها دهب 100 جرام فقط يعني 900 ألف جنيه، الله على العدل يا ولاد، هو رايح يتجوز حتشبسوت؟.
افصلوا النت عن مصر
كانت قد قدمت الإعلامية ياسمين عز، مناشدة ونداء إلى وزارة الإتصالات أرجوكم افصلوا النت عن مصر أنا قلب عليكم والله انتو صعبانين عليا، المصريين دول ملهمش إنترنت والله كل يوم في 70 فيديو ومنشن لوزارة الداخلية الله يكون في عونكم ومشكورين على مجهوداتكم من اللي بتشوفوه.
وأضافت خلال تقديم برنامج كلام الناس المذاع على قناة إم بي سي مصر: «واحد راجل قاعد سواق في أمان الله جنبه ابنه سلحف صغير مقروض عنده حوالي 3 سنين وفجأة حد من الركاب سمع السلحف ده بيقوله بابا فين فالراكب أول ماسمع حس إنه في حاجه غلط طلع الموبايل وصور».
كان نفسي أسمعك بتقولي حاجه
وتابعت: «الركاب فضلوا يقولو للسواق ده مستحيل يكون ابنك فهو فضل يقول يا جماعه ده ابني ودي مراتي اللي قاعدة على الكرسي ورا»، منتقدة رد فعل الزوجه قائلة: «أنا نفسي أعرف مراته دي متكلمتش ليه ودافعت عن جوزها كان نفسي أسمعك بتقولي حاجه، تسيبيهم لحد ما ياخدوا الراجل يودوه القسم».
مبادرة تيسير الزواج
بدأت لجنة مبادرة «تيسير الزواج» بقرية البسقلون المنيا رسالتها إلى أهل القرية الكرام وإلى الرأي العام في مصر، بهذه الكلمات: «بسم الله الرحمن الرحيم: يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ»، لتوضيح الحقائق حول المبادرة وما تم تداوله مؤخرا عنها.
تخفيض تكاليف الذهب
وأكدت اللجنة أن المبادرة تمثل قفزة على واقع قديم، حيث إن ما قد يراه البعض في محافظات أخرى أرقاما كبيرة، وهو في الحقيقة إنجاز صخم وتنازل عن عادات كانت تثقل كاهل شبابنا، فقد نجحت اللجنة في تخفيض تكاليف الذهب من 350 جراما كعرف سائد قديم إلى 150 جراما تكتب في القائمة، ويشترى منها فقط ما يقدر الزوج على شرائه بحيث لا يتعدى 50 جراما كحد أقصى.
