ياسمين عز: نداء لوزارة الإتصالات أرجوكم افصلوا النت عن مصر

قدمت الإعلامية ياسمين عز، مناشدة ونداء إلى وزارة الإتصالات أرجوكم افصلوا النت عن مصر أنا قلب عليكم والله انتو صعبانين عليا، المصريين دول ملهمش إنترنت والله كل يوم في 70 فيديو ومنشن لوزارة الداخلية الله يكون في عونكم ومشكورين على مجهوداتكم من اللي بتشوفوه. 

وأضافت خلال تقديم برنامج كلام الناس المذاع على قناة إم بي سي مصر: «واحد راجل قاعد سواق في أمان الله جنبه ابنه سلحف صغير مقروض عنده حوالي 3 سنين وفجأة حد من الركاب سمع السلحف ده بيقوله بابا فين فالراكب أول ماسمع حس إنه في حاجه غلط طلع الموبايل وصور». 

كان نفسي أسمعك بتقولي حاجه

وتابعت: «الركاب فضلوا يقولو للسواق ده مستحيل يكون ابنك فهو فضل يقول يا جماعه ده ابني ودي مراتي اللي قاعدة على الكرسي ورا»، منتقدة رد فعل الزوجه قائلة: «أنا نفسي أعرف مراته دي متكلمتش ليه ودافعت عن جوزها كان نفسي أسمعك بتقولي حاجه، تسيبيهم لحد ما ياخدوا الراجل يودوه القسم». 

وأشارت إلى أن «الراكب خد الولد بالشبه اللي هو شبه أمه أصلا وقرروا أنهم ياخدوه ويبلغوا عنه ولكن المفاجأة أنه الطفل فعلا طلع ابن السواق وأمه كانت موجودة في العربية»، لافتة إلى أن القصه «أنه الطفل كان متضايق عشان أبوه مفسحهوش فقرر ينكر أنه أبوه وهو قاعد جمبه، فإنت كده يا واد ياسيف أول ما هتكبر هتعمل على أبوك قضية حجر لما تنكر أبوك وإنت في السن ده هتعمل اي فيه أما تكبر بقا وانتي يا مدام شيماء ماتقولي للراجل ده جوزي». 

وفي سياق آخر، علقت الإعلامية ياسمين عز على واقعة الفيديو المتداول على وسائل التواصل الاجتماعي لطبيبة قامت بعمل إشارة غير لائقة لمريضة بإحدى المستشفيات في دهب، قائلة: « أنا عايزة أشوف النص الأولاني من الفيديو اللي استفز الطبيبة وخلاها ترد بهذه الإشارة غير اللائقة على المريضة». 

وأضافت ياسمين عز، خلال برنامج كلام الناس المذاع على قناة إم بي سي مصر، أن القصة عبارة عن « أنه في ست حامل وعندها أنيميا مزمنة كانت داخله للطوارئ وعايزة تركب محلول حديد فالسيدة دي راحت للدكتورة وطلبت تقيس الضغط الأول بس الدكتورة كانت مشغولة بحالات تانية وطلبت منها إنها تستنى شوية هنا الست صاحبة الفيديو اتضايقت جدا ومستحملتش الانتظار وابتدت تتكلم بأسلوب حاد وقالتلها بشكل غير لائق إنها تقوم بسرعة تقيس الضغط مما جعل الطبيبة ترد بأسلوب غير مناسب وخلى الخناقة تكبر».