ياسمين عز: ليه مكملة الفرح في الضلمة؟ العريس نام وانتي لسه بتغني

أثارت الإعلامية ياسمين عز جدلًا واسعًا بعد تصريحاتها الأخيرة حول حفلات الزفاف، خلال تقديمها برنامج كلام الناس المذاع على قناة إم بي سي مصر.

وقالت ياسمين عز: «الفرح بيخلص 9، ليه مكملة الفرح في الضلمة؟ العريس روح نام وانتي لسه بتغني، هنعيش لسه ياما ونشوف، هنعيش تحت أي ظروف».

وتابعت ياسمين عز: «إحنا هنشوف اي أكتر من السواد اللي إحنا فيه، ونعيش ليه أصلا روحي عيشي لوحدك ليه عايزة تكملي فرحك بعد 9 مساءا وتكملي على ضوء الشموع عايزة تولعي في المعازيم عشان تنبسطي يا شيماء». 

مش كفاية العالم كله ولع

وأضافت ياسمين عز: « مش كفاية العالم كله ولع وانتي بتتجوزي ومفيش أي إحساس ولا اي دم». 

وأوضحت ياسمين عز: « لو مش عجبك كده متتجوزيش ونأجل الجوازة للسنه الجاية يعني نعملك الحنه النهاردة وبعدين نتجوز السنه الجاية، وبعدين متخافيش ده ظرف عالمي يعني ومحدش هيقول وشك وحش على العريس وضلمتيله الفرح». 

وفي سياق أخر، وجهت الإعلامية ياسمين عز نصائح للعروسات لليلة الزفاف، مؤكدة أن بعض تقاليد حفلات الزفاف تحتاج إلى إعادة نظر.

وقالت عز، خلال تقديمها حلقة برنامج كلام الناس المذاع على قناة إم بي سي مصر: «حاجات لازم نلغيها في الفرح: دلعي الفستان والعروسة وبلاش ورد كتير في فستانك، بتطلعي شبه زهراء المعادي خليكي سمبل».

وأضافت الإعلامية أن البساطة والعفوية تعكسان شخصية العروس بطريقة أكثر طبيعية، مؤكدًا أن التوازن بين الأناقة والراحة هو سر نجاح الإطلالة في يوم الزفاف.

وفي سياق أخر، أثارت الإعلامية ياسمين عز تفاعلا واسعا بعد تصريحاتها الأخيرة حول دور الزوجة في الاهتمام بزوجها، وذلك خلال تقديمها برنامج كلام الناس المذاع على قناة إم بي سي مصر.

وقالت عز: «قومي اعملي لجوزك كيكة الغابة السوداء أو كيكة ماتيلدا، موجودة في كتاب الاقتصاد المنزلي لعام 1317 هجريا».

وأضافت أن هذه النوعية من الوصفات تعكس ثقافة قديمة في العناية بالأسرة، مؤكدة أن «الاهتمام البسيط ممكن يعمل فرق كبير في العلاقة». 

وفي سياق منفصل، علقت الإعلامية ياسمين عز على ظاهرة إجازات المطر وتخبط القرارات بين المحافظات ووزارة التربية والتعليم، مؤكدة أن هذه القرارات تضع عبئا على الأم والزوجة المصرية.