ابنة شقيقة صباح تشكر الداخلية لسرعة استجابتهم في حل أزمة تجديد إقامتها في مصر

وجهت جانو فغالي، ابنة شقيقة الفنانة الراحلة صباح الشكر لوزارة الداخلية لسرعة استجابتهم، بعدما ناشدت الأجهزة الأمنية مساعدتها في تجديد إقامتها بمصر لعدم قدرة زوجها المصري مرافقتها إلى قسم الجوازات، نظرًا لتواجده في المستشفى لتلقي العلاج من مرض السرطان.

وكتبت عبر حسابها بموقع فيسبوك :"مساء الخير عايزة أشكر وزارة الداخلية اللي اتحركت على طول وكلموني النهاردا وجم المستشفى وجددولي الإقامة ..ناس في منتهى الذوق والأدب والمهنية وسرعة التصرف.. وعايزة اقول لكل اللي قالولي ما ينفعش يجولك المستشفى ممكن يجولك البيت إنما في المستشفى لأ ..
كل الناس بتفتي من غير ما لكون عندها المعلومة كاملة".

وأضافت: “جددوا معلوماتكم الوزارة بتتحرك لأي حد وفي أي مكان ولأي سبب ..مش قادرة أصدق أن لسه ما عداش 24 ساعة على النداء اللي كتبته على الـ facebook وكان الموضوع اتحل ..الف الف شكر.. شكرا لفخامة الرئيس السيسي وكل المعنيين في الامور دي انهم يسهلوا على الناس خصوصا في الحالات الخاصة”.

وتابعت: "شكرا ما عنديش كلام اقوله من تقدير واحترام لسرعة التصرف بجد ... وبشكر معالي وزيرة الهجرة السابقة السيدة  Soha Gendi  اللي اهتمت 
بالموضوع على طول واتصلت بي وبالمعنيين بالأمر علشان يتواصلوا معايا . والاعلامي المحترم الاستاذ Khaled Farag اللي نقل الخبر على صفحته وناس كتير اهتمت انها تساعدني .والاستاذة Asma Samir  اللي تواصلت معايا وكانت بتنسق علشان تبعتلي عربية مع  حد من الجوازات يحللي الموضوع ...
وناس كتير من غير ما تعرفني اهتموا انهم يساعدوني"..

واختتمت منشورها وكتبت: "الف الف شكر بجد حسستوني اني عندي اسرة كبيييييرة قوي واني مش لوحدي  . تحيا مصر مليون مرة  الف شكر بجد من قلبي  فرحتوني في وقت بقالي كتير بدور على الفرح ومش لاقياه  الحمد لله  دايما  شكرا  من قلبي".