"هل خرجت من الملة؟".. شريف دسوقي يصدم الجمهور باعتراف غير متوقع
أثار الفنان شريف دسوقي حالة واسعة من الجدل عبر منصات التواصل الاجتماعي، بعد منشور له عبر حسابه على موقع "الفيس بوك"، والذي عبّر فيه عن استيائه الشديد من تطبيق الفيديوهات الشهير "تيك توك" ومبتكره.
شريف دسوقي: أكره مخترع التيك توك وأدعو عليه يوميًا
وفي منشور اتسم بالصراحة والمفاجأة، كتب دسوقي متسائلا بلهجة تحمل مزيجا من الغضب والسخرية: "هو أنا لو اعترفت إني بكره اللي اخترع التيك توك.. وبدعي عليه كل يوم.. أبقى خرجت من الملة؟".
بعد مسلسل عين سحرية.. شريف دسوقي يروي موقف يجمعه بـ عصام عمر
حرص الفنان شريف دسوقي على تشجيع الفنان عصام عمر، خاصة بعد نجاح أعماله الدرامية، ومن بينها مسلسل عين سحرية التي يُعرض حاليًا في موسم رمضان 2026، وذلك من خلال إبراز موقف قديم يجمعهما، من خلال منشور عبر حسابه الرسمي على موقع التواصل الإجتماعي فيسبوك.
وقال شريف دسوقي في منشوره: “فى سنة 2014، كنا بنقدم عرض أنا وعصام عمر، اسمه المفرمة وزمايلنا فى الوسط الفنى السكندرى، اسلام عوض وكريم عبد النعيم، من اخراج ولدى الغالى حكيم عبد النعيم وكتابته ونادت عادل الأخت العزيزة، وبالمناسبة عصام هوا اللى واقف قصادى فى الصوره اللى خلفيتها سقالات وكنا بنعرض ليلة ضمن ليالى العرض فى مسرح روابط الشهير فى وسط البلد القاعة فووول هاوس وناس كتير جايه تتفرج عشان العرض مسمع وفى مجهود عظيم للممثللين والإخراج وكان بشهادة المتخصصين إن العرض مسابق عصره".
إصابة خطيرة في بداية مشوار عصام عمر
واستكمل شريف دسوقي: “ويقع عصام عمر على قزازة كبيرة وتقطعله ايديه بجرح غاير يملا خشبة المسرح كلها دم وبغزارة كلنا على المسرح والعرض شغال اترعبنا عليه وقعدنا نقوله انا وزمايلى من غير مالجمهور يحس، اخرج ياعصام انت اتجرحت جامد لدرجة أن دمه غرقنا احنا شخصيا واذا بعصام يفاجئنا بأنه يرفض الخروج من المسرح ويصر باصرار ليس له مثيل أنه يكمل العرض والكارثة اننا كنا وصلنا لتلت وقت العرض ولسه فى وقت ياااامه الا انه مصر انه يكمل وفى كامل تركيزه عشان ماياثرش علينا ولا على العرض ووصلنا بشق الانفس الى نهاية العرض وخشبة المسرح واحنا كممثللين متغرقين من دم عصام خرجنا عشان ندخل للخشبه تانى ونحيى الجمهور واذا بعصام يكون جاب اخره ويصرخ صرخه لم اسمعها فى حياتى ونجرى بيه على مستشفى الاسعاف القريبه من المسرح ليدخل قسم الطوارئ سريعا والدكتور أول ماشاف الجرح رعبنا وقالنا ازاى سبتوه لحد ما وصل لكده ده فى قطع كبير فى الشريان والوريد ولازم خياطه فوراا وبعدين نشوف موضوع النزييف الجامد ده وافتكرنا عمال فى مصنع وان عصام اصيب من أثر ارتطامه بماكينة المهم ان من ساعة ماروحنا المستشفى وعصام على وجهه ابتسامة رضا وهدوء واطمئنان، الغريب لما سالته..انت كويس ياعصام رد عليا رد عجيب مايقلهوش غير واحد عنده ايمان ويقين صادق بموهبته وقدسية تجاه خشبة المسرح والجمهور قالى الحمد لله ان ربنا قدرنى وكملت العرض الناس مالهاش ذنب وكان لازم نكمل رسالتنا للآخر واخدنا عصام بعد ما اتخيط عدد وفير من الغرز وروحنا بيه على الفندق عشان من عجائب القدر إن اليوم صادف ان يكون عيد ميلاده واحتفلنا بيه وهوا على السرير”.
