بعد تعرضها لوعكة صحية.. راندا البحيري تطمئن جمهورها: "إنشاءالله حاجة بسيطة"
حرصت الفنانة راندا البحيري على طمآنة جمهورها عليها بعد أن تعرضت إلي وعكة صحية مؤخرًا، وذلك من خلال منشور عبر حسابها الرسمي على موقع التواصل الإجتماعي فيسبوك.
راندا البحيري تتعرض إلي وعكة صحية
وقالت راندا البحيري معلقة: “صباح الخير يا حبايبي، أنا النهارده تعبت فجأة ف معلش أنا بعتذر لأي حد مدياله أي مواعيد، لأني فعلا تعبت مرة واحدة، بس اطمنوا إن شاء الله حاجة صغيرة و تعدي علي خير، وفيه حاجه كمان لازم تعرفوها، الفيس بوك بتاعي مجدول بوستات لوحده، يعني أنا لو نزل بوست ليا مش لازم أكون صاحية وأكون أنا اللي منزلاه، ساعات بكون مجدولة بوستات بتنزل مع نفسها و بكون أنا نايمة، علشان بس فيه ناس بتفتكر أني صاحية لما يشوفوا بوست نازل ف بيتصلوا و يزعلوا، اه و ياريت بلاش و النبي مكالمات، اللي عايزني يبعتلي رساله ارجوكم علشان والله ما قادره اتكلم. عايزه اخد اجازه يومين”.
انتقاد تتر مسلسل وننسى اللي كان
انتقدت الفنانة راندا البحيري أغنية تتر مسلسل وننسى اللي كان بطولة ياسمين عبدالعزيز والتي تقدمها المطربة بوسي، حيث أكدت راندا البحيري أنها ترى أن صناع مسلسل وننسى اللي كان خاصة المخرج وقعوا في خطأ كبير باختيار أغنية بوسي في مشهد نهاية الحلقة الأخيرة من المسلسل، كما أشارت أن الأغنية في الأساس تحمل معاني ضد الدين.
وكتبت راندا عبر صفحتها الرسمية على موقع التواصل الإجتماعي فيسبوك : "أكبر غلطة وقع فيها صُناع المسلسل أو المخرج على وجه التحديد هي اختيار الأغنية اللي نزلت على مشهد النهاية .. أغنية بوسي بتاعت التتر اللي مش عارفة أغض النظر عن حرمانيتها .. بس لو غضيت حتى هي مش نافعة لمشهد النهاية".
وواصلت راندا البحيري : "الأغنية بتقول أنا عندي سؤال أسأل ولا بلاش؟ .. هو إحنا ليه على قد نيتنا مخدناش؟ .. مع إن ربنا سبحانه و تعالي قال في كتابه في سورة الأنفال الآية 70 إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا .. صدق الله العظيم".
وأكملت : "وفي حديث الرسول عليه الصلاة والسلام حديث إنما الأعمال بالنيات .. هو حديث صحيح ومجمع على صحته .. يعد من أصول الإسلام .. أخرجه الإمام البخاري ومسلم في صحيحيهما عن الصحابي عمر بن الخطاب رضي الله عنه .. ويؤكد أن قبول الأعمال وجزاءها يعتمد على الإخلاص والنية .. سواءً كانت خيرًا أو شرًا".
وأضافت راندا : "فكده ربنا و رسوله الإتنين قالوا إن الأعمال بالنيات .. والأغنية بتقول العكس .. أنا أكيد مش هنا علشان أكفر اللي عملوا الأغنية يمكن ميقصدوش أو يمكن مش متبحرين بالقدر الكافي في الدين .. فده خلي ميزانهم يختل .. كل الاحترام ليهم لو ميقصدوش".
