«أنا أخو المسيح الدجال».. ضياء العوضي يثير الجدل بتصريحات نارية على فيسبوك

تحدث الطبيب ضياء العوضي، عن قرار سحب عضويته من نقابة الأطباء، قائلا: «هخلي الدكاترة كلها تكشف ببلاش، هخليهم يتحايلوا على الناس يكشفوا ببلاش سواء بتوع غسيل الكلى أو السكر أو الضغط أو أساطر القلب». 

سخرية من الرجال

وأضاف، خلال تقديم بث مباشر عبر صفحته الرسمية على موقع التواصل الاجتماعي «فيسبوك»: «الرجالة اللي بتشتمني عامل لوك ليه على الأكونت بتاعك، هل الراجل ينفع يعمل لوك على الأكونت بتاعه؟ لأ مينفعش، ليه محجبة، ويعملك أدد كمان ليه مش لما أعرف شكلك الأول؟». 

ضياء العوضي: مش بخفف حد

وتابع: «الراجل مش محتاج حد يقوله قول الحق، ربنا خلقك صاغ سليم ولو مرضت فهو يشفين، أنا مش المسيح الدجال أنا أخوه، ازاي أرسملك خط غلط وأنت تصدقه، أنا أول كلمة قولتها إن أنا مبخففش».  

في سياق متصل، أثار الطبيب ضياء العوضي حالة من الجدل بعد تعليقه على قرار سحب عضويته من نقابة الأطباء المصرية، وذلك خلال بث مباشر عبر صفحته الرسمية على موقع التواصل الاجتماعي «فيسبوك».

ضياء العوضي: مش ورايا حاجة

وقال ضياء العوضي: «مش عارف سحبوا العضوية عشان آخر قسط مدفعتوش والا عشان اتأخرت في التجديد»، متسائلا عن الأسباب الحقيقية وراء القرار.

وواصل حديثه بتصريحات حادة للأطباء، معلقا: «يمكن سحبوا مني العضوية عشان أنا بشرب سجاير»، قبل أن يضيف عبارات أثارت تفاعلا واسعا على مواقع التواصل، مؤكدا أنه لم يعد لديه ما يخشاه بعد القرار.

وتابع: «ورب الكعبة كله هركعكم كله هيسجد وهيشحتوا، الدكاترة كلها هتشحت، وأنا خلاص مش ورايا حااجة هقعدكم تشحتوا كلكم في ميدان رابعة».

وأوضح: «أنا بقيت حر وبطلت أجاوب خلاص على أسئلة، أوقف بقى إنسولين، امشي إنسولين براحتي، رجوع مصر دلوقتي كخ، لإني بقيت المفصول والمشطوب، ظلموني الناس ظلموني، فصلوني من النقابة، لأ وبعتوا لجنة تشمع العيادة». 

تشميع العيادة 3 مرات

وأضاف، خلال تقديم بث مباشر عبر صفحته على موقع التواصل الاجتماعي «فيسبوك»: «العيادة أنا أصلا قافلها من أول رمضان، بتشمعها ليه والا كتر شمع عندكم، فبتجربوا حظكم معاه».