ضياء العوضي يهاجم منتقديه: «كنت جوز أمه وبقعده على حجري»
تحدث الطبيب ضياء العوضي، عن قرار سحب عضويته من نقابة الأطباء، قائلا: «بالنسبة للناس اللي بتقطع فيا وبتشهر بفيديوهاتي، مين رفعت الأشرم؟ أبو شفة أجنبية وألا الولا بتاع دردشة زفتية، دا حمار ودا حمار، رفعت أنا كنت جوز أمه، اتجوزت أمه وأنا صغير، وكنت بقعده على حجري، أقعد يا رفعت بس متعملش بيبي، بس ياما عمل بيبي وغرق الدنيا».
سحب العضوية بسبب السجائر
وأضاف، خلال تقديم بث مباشر عبر صفحته الرسمية على موقع التواصل الاجتماعي «فيسبوك»: «مش عارف سحبوا العضوية عشان آخر قسط مدفعتوش والا عشان اتأخرت في التجديد».
وواصل: «يمكن سحبوا مني العضوية عشان أنا بشرب سجاير، ورب الكعبة كله هركعكم كله هيسجد وهيشحتوا، الدكاترة كلها هتشحت، وأنا خلاص مش ورايا حااجة هقعدكم تشحتوا كلكم في ميدان رابعة».
في سياق متصل، علق الطبيب ضياء العوضي، على قرار سحب عضويته من نقابة الأطباء، قائلا: «أنا بقيت حر وبطلت أجاوب خلاص على أسئلة، أوقف بقى إنسولين، امشي إنسولين براحتي، رجوع مصر دلوقتي كخ، لإني بقيت المفصول والمشطوب، ظلموني الناس ظلموني، فصلوني من النقابة، لأ وبعتوا لجنة تشمع العيادة».
تشميع العيادة 3 مرات
وأضاف، خلال تقديم بث مباشر عبر صفحته على موقع التواصل الاجتماعي «فيسبوك»: «العيادة أنا أصلا قافلها من أول رمضان، بتشمعها ليه والا كتر شمع عندكم، فبتجربوا حظكم معاه».
ضياء العوضي: هديلك بالبوكس
وتابع: «العيادة بتاعتي اتشمعت أكتر ما اشتغلت الحمدلله، لأنها اتشمعت 3 مرات في 4 سنين، ليه؟ ببيع اي في العيادة؟، الفكرة إنهم كل مرة يفتحوها، حاولت أفهم اي الغرض من دا، بتهددني مثلا؟، وهما حرروا إيدي عشان لما أجي أديلك بالبوكس متقولش أنا النقابة وهعملك وأسويلك، لا أنا مش عضو نقابة دلوقتي».
في وقت سابق، أثار الطبيب ضياء العوضي، حالة واسعة من الجدل بعد ترويجه لما أسماه "نظام الطيبات"، وهو نظام غذائي يعتمد على حذف أطعمة مع الاكتفاء بأنواع محددة يدعي أنها وسيلة للشفاء.
ويقوم النظام وفق ادعاءات العوضي على ما وصفه بـ"الصيام الإسلامي"، من خلال صيام يومي الاثنين والخميس وثلاثة أيام من كل شهر هجري، أو اتباع الصيام المتقطع، مع الاكتفاء بالأكل عند الشعور بالجوع وشرب الماء عند العطش فقط دون الإكثار منه.
وشملت قائمة الأطعمة المسموح بها في النظام حسب ما تم تداوله الحبوب مثل التوست بالردة والأرز، والدهون الطبيعية كزيت الزيتون والزبدة والسمنة، إلى جانب السكر والتمر، وأنواع من الجبن مثل الشيدر والجودا والموتزاريلا والبرميزان والرومي، والأرز المصري والبطاطس بمختلف طرق إعدادها، والذرة، وبعض الحبوب كالبرغل والفريك على فترات متباعدة.
