عادل زيدان لـ«كلم ربنا»: حلمي بناء البيت اتحقق واشتغلت عامل في شركة

قال النائب عادل زيدان، عضو مجلس الشيوخ، متحدثا عن النقلة التي غيرت حياتهم:"لما دخلت المدرسة من فضل ربنا اتصاحبت على واحد اسمه رضا والده كان يعمل في البناء وبيشتغل بالقسط".

حققت اللي تمنيته

وأضاف “زيدان” خلال حلقة اليوم من برنامج “كلم ربنا” والذي يقدمه الكاتب الصحفي أحمد الخطيب: كلمت رضا يكلم أبوه إن احنا عايزين نبني بيت ومعانا 3 آلاف جنيه، فخادهم وجاب لنا الطوب والرمل، وبنينا البيت وبنينا النص الفاضي من البيت بالطوب الأحمر وسقفنا بخشب عريض وفوق الخشب مشمع وحطينا فوق المشمع قش.

وتابع زيدان: إلى أن أراد الله، عملت في شركة من شركات استصلاح الأراضي الكبيرة والشركة كانت بتزرع بطاطس وفلفل ألوان وفراولة وتصدرهم، ومكانها في منطقة النجاح في كوم حمادة، وكان مديرها لواء بالمعاش.

اشتغلت مشرف في شركة استصلاح أراضي

وواضل زيدان: لما المدير لقاني ساكت علطول ومبتكلمش وأصلي الوقت في وقته وأشتغل في كل ما يطلب مني، وعمره ماقالي انت معملتش الشغل ده ليه، قالي إنت خريج إي، قولت له إنا خريج تجارة وشغال عامل، قالي لأ انت من بكرة تشتغل مشرف، ونصحني إن يبقى في روتين ونظام في حياتي.