عادل زيدان لـ"كلم ربنا": دعيت ربنا في ليلة القدر أنا عايز أعيش في بيت حلو

قال النائب عادل زيدان، عضو مجلس الشيوخ، متحدثا عن حالة الفقر التي كان يعيشها في صغره: "لما دخل علينا رمضان ذهبت أصلي في المسجد، ووقتها كانت أول مرة أسمع عن ليلة القدر، فشغلني  إن أعرف كل حاجة عن الليلة دي.

دعيت ربنا في ليلة القدر أن يغير حالنا للأفضل

وأضاف "زيدان" خلال لقائه بحلقة اليوم من برنامج "كلم ربنا" الذي قدمه الكاتب الصحفي أحمد الخطيب، ويذاع على راديو 9090: كنت وقتها طفل وسمعت الناس بتقول إن ليلة القدر دي إنك بتصوم طول رمضان علشان تنام وتشوف رؤية حلوة فتتحقق وتتفتح لك طاقة القدر.

وتابع زيدان: الوقت ده كان برد شديد، وكنت بصلي كل الصلاوات في المسجد وأخرج آخر واحد من المسجد، عشان أشوف ليلة القدر بدري وأدعي ربنا يغير حياتنا للأحسن.. واكلمه اقوله أنا عايز أعيش في بيت حلو".

ربنا ألهمني.. ودي كانت بداية الحل

وواصل زيدان: ربنا ألهمني إن أنا أعدي على واحد يبيع مشمع واشتريت المشمع، وفردته على البيت من فوق وجبت طوب أحمر ووضعته علىيه من فوق علشان السقف مينقطش لما المطر ينزل، وقتها أدركت إن ربنا ألهمني إن دي بداية الحل، وإن المشاكل لا تحل بالعجل، لا زم تاخد وقتها.

قررت أشتغل في الغيط مع والدي

وأضاف: لما عدى الشتاء دخل الصيف، وكان الصيف اللي قبل ما أدخل المدرسة، فقررت أن أعمل، وروحت الغيط أجمع قطن مع والدي ووالدتي، واشتغل علشان أساعدهم ونحل مشكلة البيت قبل الشتاء القادم.

وقتها قررنا نعمل جمعية، ووالفلوس اللي بتيجي من الشغل في الغيط تكون للأكل والشرب، ومرتب والدي الـ300 جنيه يتحطوا في جمعية عشان نقبضهم 3000 جنيه وتكون بداية بناء البيت.