عبد الله رشدي: "صحاب الأرض" هز الاحتلال.. والتاريخ يثبت أنهم بلا وجود قبل 1948

علق الداعية عبد الله رشدي على الأصداء التي أحدثها مسلسل "صحاب الأرض"، مشيرا إلى رد فعل المتحدث الرسمي باسم جيش الاحتلال تجاه العمل.

وقال الله رشدي عبر صفحته الرسمية على “فيسبوك: “صحاب الأرض عمل درامي في رمضان هز قلب الاحتلال لدرجة إن المتحدث الرسمي باسم الجيش بتاعهم طلعت واتكلمت.. المسلسل بيحكي عن معاناة إخواتنا، وبيوصف القمع والدمار والإيذاء اللي اتعرضوا له.. دا دفع المتحدثة باسم جيشهم تطلع تشتم في المسلسل وتتهمه إنه بيزيف التاريخ! ومن هنا فأنا أحب أقول لها التاريخ بيقول إيه”.

وأضاف: “التاريخ بيقول إن من أول مؤتمر صهيوني واللي اتعمل سنة ١٨٩٧ م لغاية المؤتمر الثاني والعشرين واللي اتعمل سنة ١٩٤٦م، كل المؤتمرات دي اتعملت برا فلسطين.. ليه؟ علشان مكنش لكم وجود في فلسطين وكانت الأرض لصحابها”.

وأوضح: “من أول المؤتمر الثالث والعشرين واللي اتعمل سنة ١٩٥١ م لغاية المؤتمر الأخير واللي اتعمل في ٢٠٢٠ م، كل دول اتعملوا في القدس! ليه؟ علشان كان حصل الاحتلال وكان تم إعلان دولتكم سنة ١٩٤٨ م.. دا اللي التاريخ بيقوله قبل ١٩٤٨ مكنتش لكم وجود”.

وتابع: “لذلك مسلسل صحاب الأرض مهم لأنه بيوضح معاناة صحاب الأرض والمأساة اللي بيتعرضوا لها من جهة الاحتلال.. هتفضل الأرض لصحاب الأرض، كل التحية لمسلسل صحاب الأرض.. اللهم انصر إخواننا وثبِّتْهم ولا تُشمتْ بهم من عاداهم”.