نجل رجل الأعمال محمد فاروق: استلمت منصب العضو المنتدب في موبيكا بعد 6 سنين عمل
تحدث فاروق نجل رجل الأعمال محمد فاروق عبد المنعم، عن رحلته كعضو منتدب لشركة موبيكا، موضحًا أنه استلم العمل بهذا المنصب منذ حوالي 4 أو 5 شهور، مضيفًا: «الحقيقة كنت قلقان شوية لما والدي قال لي هتبقى العضو المنتدب بس كنت جاهز للمرحلة دي بعد 6 سنين من اشتغالي في موبيكا وتجارب حياتية كتير حول الشركة»، في لقاء مع الإعلامية لميس الحديدي مقدمة برنامج رحلة المليار عبر قناة النهار.
كنت أحلم بتحقيق نجاحات كبيرة في موبيكا منذ صغري
وواصل: «من وأنا صغير كنت دايمًا بحلم باليوم اللي هقدر أعمل فيه حاجة كبيرة في موبيكا»، متحدث عن مصادر ثقته وأسلوب التعلم الذي اعتمده من أسرته، قائلاً: «الثقة اللي عندي خدتها من والدي ومن جدي حمادة فاروق كل واحد فيهم عنده صفات قوية جدًا والجد الأكبر فاروق عبد المنعم كان أيقونة بالنسبة لي الناس كلها كانت بتحبه والعمال بالذات هو دايمًا كان بيحط فلوسه في الشركة وبيساعد الناس حواليه وده اتعلمته منه».
وأوضح أن جده الآخر إبراهيم سعدة ترك أثرًا كبيرًا في شخصيته المهنية، مضيفًا: «جدي إبراهيم سعدة كان هادئ جدًا ومستقر وكل كلامه ليه معنى مش كلام وخلاص وأنا اتعلمت منه الصبر والثبات في التعامل مع التحديات وده ساعدني كتير في المرحلة الجديدة كعضو منتدب».
المنصب ده تحدي كبير
وعن مسؤولياته الجديدة أضاف فاروق: «المنصب ده تحدي كبير بس الحمد لله التجارب السابقة كانت مهمة جدًا أنا بعتبر كل لحظة في الشركة فرصة للتعلم وكل غلط اتعملته اتعلمت منه كتير وده خلايا أقدر أواجه التحديات بشكل أفضل»
وتابع: «اللي اتعلمته من أسرتي مش بس عن البيزنس لكن كمان عن القيم والأخلاق في العمل وده اللي بحاول أنقله لفرق العمل اللي معايا في موبيكا».
أبناء العاملين في «موبيكا»
أوضح رجل الاعمال محمد فاروق، أن أبناء العاملين في «موبيكا» ملتحقون بالفعل بهذه المدارس، مؤكدا رضاهم عن مستوى التعليم، ومشيرا إلى أن المشروع لا يستهدف النخبة فقط، بل يسعى إلى توفير تعليم متطور لشريحة أوسع من المجتمع.
وعند سؤاله حول تكلفة المصروفات، شدد على أن المدارس «معمولة لطبقة متوسطة»، في محاولة لتحقيق توازن حقيقي بين جودة المحتوى التعليمي والقدرة المادية للأسر.
