موقف أحمد عز من المشاركة في جزء جديد من فيلم ولاد رزق
كشف النجم أحمد عز موقفه من المشاركة في جزء جديد من فيلم ولاد رزق، بعد نجاح الـ 3 أجزاء السابقة، خاصة الجزء الثالث الذي حقق إيرادات قياسية وصلت إلى 260 مليون جنيه جعلته الأعلى إيراداً في تاريخ السينما المصرية.
موقف أحمد عز من المشاركة في ولاد رزق 4
وقال أحمد عز في تصريحاته مع الإعلامية إنجي علي عبر إذاعة نجوم إف إم : "كفايا ولاد رزق كده أوي .. ولكن هبقى أول الداعمين لأي جزء جديد هيتعمل".
مفيش عمل بينجح بواحد
وتابع : "مفيش عمل فني بينجح بواحد مهما كانت نجوميته .. وطول عمري بقول كده من وأنا بعمل أول بطولاتي زي سنة أولى نصب وملاكي إسكندرية إن العمل الفني جماعي .. وممكن يكون ربنا صارف لواحد قبول عن التاني وده بيبقى صرف رباني انتا مالكش دخل فيه".
موعد عرض فيلم Seven Dogs
وكان قد أعلن الفنان أحمد عز خلال نفس اللقاء عن موعد عرض فيلمه الجديد Seven Dogs، حيث قال : "عرض فيلم Seven Dogs في عيد الفطر .. وهي تجربة أنا مامرتش بيها في حياتي قبل كده".
تعاون أحمد عز مع مونيكا بيلوتشي
أما عن كواليس تعاونه مع النجمة الإيطالية مونيكا بيلوتشي في الفيلم، أضاف عز : "استفدت من التجربة دي إن النجومية مش باللي بيجيب إيرادات .. ولكن النجومية التزام .. لأني كنت بشتغل مع كاست عالمي زي النجمة مونيكا بيلوتشي اللي كانت ملتزمة وبتبقى حاطة ميك أب وجاهزة في ميعادها".
مسلسل إذاعي لـ أحمد عز
وفي سياق آخر، ينافس الفنان أحمد عز في رمضان الماضي بمسلسل إذاعي بعنوان الفهلوي، والذي يدور في إطار اجتماعي كوميدي، ويضم في قائمة أبطاله كلًا من شيماء سيف وهنادي مهنا وميشيل ميلاد ومحمود فايز، وتأليف أيمن سلامة وإخراج علي مصيلحي وإنتاج هبه الهواري، ومن المقرر إذاعته عبر نجوم fm.
