أحمد عز: عندي نهم للنجاح وعاوز أروح لأبعد من كده |فيديو
كشف الفنان أحمد عز موعد طرح فيلم The Seven Dogs، مؤكدًا أنه سيُعرض بشكل نهائي في العيد الصغير.
وأكد أحمد عز في لقاء له عبر بصراحة اللبنانية أنه يشعر بالرضا تجاه ما قدمه في مشواره، وما يستمر في تقديمه، مضيفًا: “بالنسبة لي مبقدرش اتفرج على نفسي وبشوف الفيلم مرة واحدة في العرض الخاص وبعدها اللي بعده.. لأني عندي نهم للنجاح وعاوزة اروح لأبعد من كده واعمل أفلام تعيش”.
أما عن عدم مشاركته في فيلم أولاد رزق الجزء الرابع، قال: "الأفلام مش بتوقف على حد.. الشاطر يقدر يفاجئ ويعمل حاجات جديدة.. ولو الجزء الرابع اتعمل هكون من أول الناس الداعمة لأن أي نجاح لأي فنان نجاح لينا كلنا، ومفيش فنان بينجح لوحده، الفنان في كل مرحلة في حياته بيكون وجه جديد وده اللي يخليك تعيش علشان كده مش بحب أقدم أعمال مكررة".
من جانب آخر، أعلنت محامية أحمد عز إيناس البيطار، اتخاذ الفنان الإجراءات القانونية ضد ناشري شائعة زواجه من مديرة أعماله، حيث شارك حساب إدارة أعمال عز منشور لمحاميته، جاء فيه: "أجمل أحمد عز في الدنيا يستاهل يتجوز ملكة جمال الكون .. لكن والله العظيم الخبر كاذب وعاري تمامًا من الصحة، وجاري اتخاذ الإجراءات القانونية ضد من نشره لشائعات أخبار كاذبة .. وكذلك التشهير بشابة جميلة بنت أصول وفنان من أجمل فناني العالم لمجرد الغل والحقد والنفوس المريضة".
