محمد الباز يفتح النار على عمرو أديب: «مصر مش ولادة دي تقولها في بيتكم»
قال الكاتب الصحفي محمد الباز، إن دوره كإعلامي يتجاوز عمله الإعلامي إلى دوره كمسؤول، معلقا: «متجبوش فلان وفلان دا ميجيش، في واحد صاحبنا كده نباطشي إعلام بيطلع يقعد يعمل حاجات، أول حرف من اسمه عمرو».
انتقاد مصر مش ولادة
وأضاف الباز، خلال حواره مع الإعلامي تامر عبد المنعم، ببرنامج «البصمة»، المذاع على قناة «الشمس»: «دا مش دورك يا حبيبي، حتى لو قولت إن في سياسات كذا، لكن انتو اي مش لاقيين إلا هو، مصر مش ولادة دي تقولها في بيتكم».
وتابع: «أنا شايف أدائه ضد الدولة المصرية، لأنها بتطلع بهذا الهبل، انت بتضلل الناس وبتطلع تتكلم»، لافتا إلى أن الدولة المصرية لا تتحدث مع الناس في التفاصيل والتحديات التي تحدث على أرض الواقع».
وتحدث الكاتب الصحفي محمد الباز، عن رأيه في إبراهيم عيسى السيناريست، قائلا إن إبرهيم عيسى فاشل بامتياز كسناريست، معلقا: «هو فاهم إن السينما هتوصل أفكاره أكتر من إنه يكتب مقال في جورنال أو موقع وهو محق في ذلك، بس خلي بقى الأسطات بتاعة الشغلانة يعملوها متعملهاش بنفسك، هو مش رجل بتاع دراما».
فيلم الملحد فشل لأنه تقليدي
وأضاف الباز، خلال حواره مع الإعلامي تامر عبد المنعم، ببرنامج «البصمة»، المذاع على قناة «الشمس»: «فيلم الملحد فشل لأنه تقليدي وعالج قضية ملحد تقليدي، لأن حاليا في ملحدين تقليديين وملحدين نتاج السوشيال ميديا وجيل زد وألفا، يعني أنا معتقدش إن إبراهيم عيسى يعرف الوقت الحالي، دا موضة قديمة».
خطورة الإلحاد الجديد
وتابع: «الناس ضحكت لما أسامة الأزهري قال أنا قابلت طفل عنده 10 سنين ملحد وضحكوا واتريقوا، وفي ولاد عندهم 10 سنين و12 سنة ملحدين».
وواصل: «خطورة الإلحاد الجديد أن الولاد مش فارق معاهم يناقشوا ربنا موجود والا مش موجود، دا هو بيقولك إن ربنا موجود بس أنا مش عاجبني أدائه، ودا أخطر وموضوع مسكوت عنه».
ودعا الكاتب الصحفي محمد الباز، إلى تشكيل هيئة لمكافحة الجهل العام في مصر، معلقا: «يعني الناس اللي بيحكموا على وزير التعليم ميعرفوش اي اللي حصل، والنائبة اللي طلعت قالت التبرع بالأنسجة في ناس طلعت قالت دا جهل عام، لأنهم مش هياخدوا جلدها دا هياخدوا أنسجة لأن الناس معتقدة أنهم هيسلخوا الجلد».
مكافحة الجهل العام
وأضاف الباز، خلال حواره مع الإعلامي تامر عبد المنعم، ببرنامج «البصمة»، المذاع على قناة «الشمس»: «بالنسبة للتعديل الوزاري والتعليق إن دا ييجي ودا يكمل ودا يمشي، دا مش دورك يا حبيبي، وأنا شايف إن الأداء والحقيقة ضد الدولة المصرية، أصلها مش سويقة، عشان كده بقولك مكافحة الجهل العام».
