ياسمين عز للزوجات: لو زهقتي من العيال روحي عند أمك أسبوعين.. وجوزك هيدعيلك
تحدثت الإعلامية ياسمين عزعن كيفية تعامل الزوجة مع ضغوط المنزل والأطفال خلال شهر رمضان، وذلك عبر برنامجها «كلام الناس» على قناة «MBC مصر».
وخاطبت ياسمين عز الأمهات، قائلة: «سيبي العيال يكسروا كل حاجة، أنا عاملة على نفسيتك، ولو زهقتي روحي اقعدي عند أمك أسبوعين".. وساعتها جوزك هيعيش أحلى أيام حياته وهيدعيلك في شهر رمضان انتي وأمك».
وتابعت: «دعي الأمور تمشي في سلام.. العيال مش بتتكتف يا شيماء وطول ما انتي يتزعقي هيجيلك حالة نفسية وعصبية وبصرية، أنا بشوفك كأم بتصعبي عليا.. استمتعي بأمومتك في الأيام اللي داخلة علينا».
ووجهت الإعلامية ياسمين عز، خلال برنامجها «كلام الناس» المذاع عبر شاشة «MBC مصر»، مجموعة من النصائح للأمهات تزامنا مع اقتراب شهر رمضان المبارك، داعية إياهن إلى الصبر والهدوء في التعامل مع الأطفال.
نصيحة ياسمين عز للأمهات قبل رمضان
وقالت ياسمين عز: «لو انتي أم جديدة أو قديمة في رمضان.. عايزة أقولك ان الأمومة هتديكي بريق زي البرق.. بريق هالات تحت العين وانتي مترقبة المصيبة من أطفالك.. وحواجبك منكوشة من يوم الولادة وانعدام النوم.. هي دي الأمومة يا شيماء، بتديكي أحلى لمعة في الدنيا».
وتابعت: «أنتي في الأمومة بيصدر منك أفعال غريبة.. ليه راعبة العيال وأبو العيال.. إيه المشكلة أن ولادك يرموا العصير على الأرض، عاملة حوارات ليه ما تغسيلهم ومتوجعيش دماغنا ودماغ جوزك والجيران.. السجادة مش أهم منهم ولا من صحتك النفسية».
وفي سياق متصل، قدمت الإعلامية ياسمين عز نصيحة للمرأة المصرية، للتعامل مع زوجها خلال شهر رمضان، وخصوصا طوال فترة الصيام.
وقالت عز، خلال برنامج «كلام الناس» المذاع على قناة إم بي سي مصر: « نصيحة ليكي ماتكلميش جوزك أبدا في نهار رمضان تطلبي طلبات انزلي انتي هزي طولك وجيبي الطلبات انتي مانزلتيش من بيتكم تشتري حاجة من أيام مذبحة القلعة».
لما تحبي تغيري جو بتنزلي العتبة يا شيماء
وفي سياق متصل، قالت الإعلامية ياسمين عز، إنه «في رمضان مفيش حاجة اسمها تروحي تقولي لجوزك عايزة أفطر ولا اتسحر في التجمع»، متابعة: «انتي كنتي لما تحبي تغيري جو بتنزلي العتبة يا شيماء».
وأضافت عز، خلال برنامج «كلام الناس» المذاع على قناة إم بي سي مصر: « خفي على جيب جوزك يا حبيبتي».
