ياسمين عز: متقوليش لجوزك عايزة أتسحر في التجمع وانتي كنتي بتنزلي العتبة
قالت الإعلامية ياسمين عز، إنه «في رمضان مفيش حاجة إسمها تروحي تقولي لجوزك عايزة أفطر ولا اتسحر في التجمع»، متابعة: «انتي كنتي لما تحبي تغيري جو بتنزلي العتبة يا شيماء».
وأضافت عز، خلال برنامج «كلام الناس» المذاع على قناة إم بي سي مصر: « خفي على جيب جوزك يا حبيبتي».
وفي سياق أخر، وجهت الإعلامية ياسمين عز رسالة لكل سيدة مصرية تقف في المطبخ لطهي الطعام وهي ترتدي ذهبها، قائلة: « وانتي بتطبخي بلاش تلبسي خواتم أرطغرل وهركليز الخواتم الكبيرة بتاعتك دي مينفعش واقلعي خواتمك واطبخي وإيدك نضيفة ومتخافيش محدش هيسرق منك حاجة لأنك أصلا محدش هيعرف ياخد منك حاجة».
وأضافت عز، خلال برنامج «كلام الناس» المذاع على قناة إم بي سي مصر: « والحاجة الوحيدة اللي تلبسيها في إيدك وإنتي بتبشري البصل هي غوايشك، عشان تشخلل وتطلع صوت يدي نكهه مختلفة للأكل وبرضو يعرفو أنه جوزك مصيغك ومبيعكيش دهبك في رمضان لأنه هيبيعهولك على العيد».
وفي سياق متصل، قالت الإعلامية ياسمين عز، للسيدات المصرية: «لما تكون ملوخيتك ساقطة ورزك شايط ومعجن متروحيش تقولي للناس ده جوزي بيعشقني ويعشق أكلي، ده بياكل صوابعه وراه، لا ده جوزك مسحور يا شيماء».
سائل مخاطي هلام بيمشي فيه حاجات خضرا
وأضافت عز، خلال حلقة من برنامج كلام الناس المذاع على قناة إم بي سي مصر: « لأنه الملوخية بتاعتك ساقطة وعبارة عن سائل مخاطي هلام بيمشي فيه حاجات خضرا لأنك بتجيبي ملوخية ناشفة من هنا عندنا».
وتابعت ياسمين عز: « الست الأصيلة تخطف رجلها وهي صايمه للفيوم تقطف لجوزها أوراق الملوخية وترجع تطبخها سواء من الفيوم أو من إلمنيا أيهما اقرب اللي رجلك تجيبها».
تفريز الطعام وتغليفها من أجل الاستعداد لشهر رمضان
وفي سياق أخر، وجهت الإعلامية ياسمين عز، رسالة إلى ربات المنازل، بشأن تفريزات وخزين شهر رمضان، مؤكدة أن الأيام الأخيرة تتوجه ربات المنازل إلى تفريز الطعام وتغليفها من أجل الاستعداد لشهر رمضان المبارك.
وقالت عز، خلال برنامج «كلام الناس» المذاع على قناة إم بي سي مصر: «أرجوكي يا شيماء بلاش توم في الأكل ليه كمية التوم اللي فرزتيها اليومين اللي فاتو دي كلها، خلصتي مخزون الأردن من الثوم، وهيستوردوا الثوم من بعدك يا شيماء».
