«خلي السفرة تتكلم».. ياسمين عز توجه رسائل لربات البيوت في رمضان
قدمت الإعلامية ياسمين عز رسالة إلى ربات البيوت خلال قيامهم بعمل الطعام في رمضان، مؤكدة أن المظهر النهائي للأطباق يتطلب اهتماما كبيرا.
وقالت ياسمين عز، خلال تقديمها برنامج «كلام الناس» المذاع على قناة «إم بي سي مصر»: «في الأيام العادية ياشيماء الطبخه بتبوظ منك عشان بتاكلي المقادير العادية وانتي واقفه والمفروض بقا في رمضان نشوف طلتك البهية والطبخة تطلع منك مظبوطة».
وأردفت ياسمين عز: «وبلاش أكلك يبقى طالع بهتان وأبيض وأسود لأن الراجل زهق خلي جوزك يشوف السفرة ملونة خلي عنيه متصدقش ودانه لما يشوف اللي قدامه خليه يشوف ألوان في الأكل عايزين السمبوسة تتكلم تقول لجوزك ضعني في فمك، خليه يشوف كوبايات من النيش والمعالق المدهبة متكنزيش جهازك طلعي جهازك من النيش وافطري فيه في رمضان».
وفي سياق أخر، قالت الإعلامية ياسمين عز: «الجو متقلب زي الست بالظبط، نصيحتي ليكي الصبح ما تلبسيش وبالليل ما تقلعيش.. الجو لسا برد يا شيماء بلاش تتختخي في البيت من دلوقتي لسا شوية».
وأضافت عز، خلال حقلة اليوم من برنامج «كلام الناس» المذاع عبر شاشة إم بي سي مصر:«قبل ما الشتاء يخلص مشوفناش منك أكلة حلوة يا شيماء، جوزك ما شافش منك أكلة حلوة، اعملي لجوزك طبق أدوسية قبل ما الشتاء يخلص اعمليها انتي معملتيهاش من وأنت طفلة عندك عنده ٣ سنين وحطي عليها عسل».
وتابع: «أو اشتريها وسخنيها وقزقزي فيها انتي وجوزك بالليل، علشان جوزك يرضى عنك وربنا يرضى عليكي، لو مبتعرفش تعمليها اعملي رز بلبن أو كباية سحلب كله منك حلو».
وقالت الإعلامية ياسمين عز: «أخيرًا قفلنا موضوع لعبة روبلوكس اللي كان شاغل الأطفال وطول الوقت في كل مكان كانت شغلاهم، مش بس في مصر لا في الوطن العربي كله كمان، حقيقي معرفش ايه سر ارتباطهم بيها للدرجة دي».
ياسمين عز تعلق على حجب روبلوكس وتوجه رسالة للأمهات
وأضافت، خلال حلقة اليوم من برنامج «كلام الناس» المذاع عبر شاشة أم بي سي مصر: « الدولة عملت اللي عليها والقرار صدر رسمي ومجلس النواب حاليا بيحدد قانون علشان ينظم استخدام الموبايل للأطفال وكمان قفل مناصات تانية ضارة للأطفال زي منصات المراهنات، المسؤولين عداهم العيب بصراحة وعملوا اللي عليهم، لكن حاليا الدور على الأم انتي رمانة الميزان في البيت ركزي مع ولادك وأملي وقت فراغهم واقترحي أفكار وأشغلي أوقات الولاد بحاجة مفيدة وحقيقي الأهالي فرحانه بالقرار ده جدا، لكن لازم تشغلي وقتهم».
