كريم الشناوي: نجومنا لازم يروحوا يعملوا بريمير في المحافظات
كشف المخرج كريم الشناوي بعض المقترحات لتحسين سوق صناعة السينما في مصر، مشيرًا إلى أن السينما يجب أن تعرض في القرى والنجوع.
وقال كريم الشناوي: “لازم نطلع السينما برة المولات ونعرض في قرى ونجوع بـ 40 جنيه مثلا، الناس بقت بتروح للمقرصن، والدولة لازم تكون أكثر صرامة مع الموضوع ده، لازم نجومنا يروحوا يعملوا بريمير برة القاهرة في المحافظات، إحنا محتاجين نبعد عن المركز شوية، صناع السينما نفسهم لازم يتحركوا ميستنوش حد يحل مشكلتهم”.
وشدد على أن قصور الثقافة يجب أن تتحرك لتمويل نفسها، موضحًا: “ أي اعتماد على إن ميزانية الثقافة هتكبر، ده كلام مش عملي، في قصور الثقافة فيها مسارحفيها بروجكتور اعمل عروض سينما 5 مرات في الأسبوع، ده هيخلق كوميونيتي (مجتمع)، ونلاقي اتفتح جوة كافيه، والكافيه ده يصرف على أنشطة القصر، ومع الوقت ممكن نلاقي مثلا قصر ثقافة روض الفرج بقى فيها مسرح خطير.. دي البداية”.
