توانا الجوهري: أتمنى ماما تتجوز شايفة إنها هتتبسط جدا

قالت الفنانة الشابة توانا الجوهري: «أنا بتمنى إن مامي تتجوز، شايفة إنها هتتبسط جدا و هتلاقي حد يخفف عنها كثير».

وأضافت توانا، خلال استضافتها في برنامج «كلمة أخيرة» مع الإعلامي أحمد سالم، المذاع عبر شاشة ON: «في ناس كتير بتبقى مش عايزة مامتها تتجوز، لكن أنا شايفة إن مامي هتتبسط جدا لو اتجوزت، وهيشيل من عليها شوية».

وأوضحت أنها لا تفرض رأيها على والدتها، قائلة: «عمري ما مامي تقولي على حد وأنا أقول لها لأ، لكن لو شايفة إن في مشكلة بقولها، وبنفكر ونكتشف سوا».

وتابعت توانا:«أنا عارفة ذوق ماما، هي مش بتحب الشخص اللي بيسهر أو بيخرج كتير».

توانا تدعم فكرة زواج والدتها

ومن جانبها، كشفت والدة توانا، الفنانة رانيا منصور، أنها منفصلة عن والد ابنتها منذ نحو 12 عامًا، موضحة: «طول السنين دي كان في أشخاص بيتقدموا، لكن ما كانش الشخص المناسب، وتوانا مش بترفض بالعكس، ساعات بنكون في مكان وتقعد تشاور على حد وتسألني رأيك إيه؟ وفي الآخر تطلع المشكلة إنه متجوز، وتزعل».

وأكدت منصور أنها لا يمكن أن ترتبط بشخص لا تحظى موافقة ابنتها، قائلة: «معتقدش ممكن أتجوز حد توانا مش موافقة عليه».

رفض ارتباط توانا

وعن فكرة ارتباط توانا، أوضحت والدتها الفنانة رانيا منصور، أنها ما زالت صغيرة على اتخاذ قرار مصيري كهذا، مضيفة:«هي في سن المراهقة، وطبيعي يعجب بيها حد أو تعجب بحد، لكن بقول لها ما ترفضيش الإعجاب، وفي نفس الوقت ما تديش وعود، لأنك لسه بتكوني ذوقك ورأيك».

توانا الجوهري ترد على الانتقادات

وفي سياق متصل، تحدثت الفنانة الشابة توانا الجوهري عن الانتقادات التي تتعرض لها بسبب إطلالاتها خلال ظهورها في المهرجانات، وارتدائها بعض الفساتين التي تثير الجدل، مؤكدة أنها على يقين تام باستحالة إرضاء جميع الأذواق.

وأضافت توانا، خلال استضافتها في برنامج «كلمة أخيرة» مع الإعلامي أحمد سالم، المذاع عبر شاشة ON: «ببقى بتضايق طبعا، وببقى عايزة أثبت إني مش كده، لكن في نفس الوقت مش قادرة أرضي كل الناس».