رانيا منصور لابنتها توانا الجوهري: "خدي النصيحة من حد فعلاً قلبه عليكي"

قالت توانا الجوهري ابنة الفنانة رانيا منصور، «معايا عائلة فنية كما قال الكتاب، وطبعًا الإنتاج المبهر اللي لسه مكمل معانا»، مؤكدة أنها أخذت رأي والدتها في إطلالتها اليوم خلال حفل ختام مهرجان الجونة السينمائي. 

وش جميل لسه بيبدأ 

وعلى الجانب الآخر أشادت الفنانة رانيا منصور بابنتها، خلال لقائهما في تغطية حفل ختام مهرجان الجونة السينمائي المذاع على شاشة قناة النهار، قائلة: «وش جميل ولسه بيبدأ رحلته كفنانة، يعني بس أنا حاسة إنه هيبقى ليها مستقبل كويس جدًا إن شاء الله». 

أهم دور قدمته توانا 

وعن أهم دور قدمته توانا، قالت رانيا منصور: «أول ظهور ليها كان في كامل العدد، بصراحة عزيزة قوي، وأول ما الناس كلها حبّتها، حسينا إن ربنا بيرسم الطريق». 

وحول تجربتها في المهرجان هذا العام، قالت توانا: «دي تاني سنة ليا، السنة اللي فاتت كنت متوترة جدًا، السنة دي كانت أكثر راحة وحسيت إني إكسايتد، استفدت جدًا، اتفرجت على بريمير، والريد كاربت، وقابلت ناس كتير، فنانين كتير، حاجة تحفة».

نصيحة رانيا لابنتها 

وقدمت رانيا منصورنصيحة مهمة بقولها: «أكتر نصيحة باقدمها لابنتي إنها يبقى عندها ثقة في نفسها وتاخد النصيحة من حد فعلاً قلبه عليها، لأن الناس ممكن تبالغ في المدح أو الانتقاد، وده ممكن يؤثر بشكل سلبي».

أولى التجارب السنيمائية 

وفي سياق آخر خاضت الفنانة الشابة توانا الجوهري أولى تجاربها السينمائية بفيلم الصفا ثانوية بنات، من بطولة علي ربيع، وعلم "نيوز رووم" من مصادره الخاصة أن توانا تستعد للمشاركة في فيلم "طه الغريب"، مع حسن الرداد ومي عمر.

تفاصيل فيلم طه الغريب

فيلم "طه الغريب" كان من المقرر بدء تصويره في عام 2023، قبل أن يتم تأجيله لأكثر من سبب منها انشغال حسن الرداد بأكثر من مشروع آخر بين السينما والدراما، كما كان من المقرر أن تقدم هنا الزاهد دور البطولة النسائية أمام الرداد، قبل أن يذهب الدور في النهاية إلى مي عمر، والفيلم مأخوذ عن رواية "طه الغريب" لمحمد صادق، ومن إخراج عثمان أبو لبن، وإنتاج أحمد السبكي.