بتول الحداد تشيد بحلقة حمو بيكا مع أبلة فاهيتا: "مبهجة بشكل مش طبيعي"
أشادت الفنانة بتول الحداد بحلقة مطرب المهرجانات حمو بيكا مع أبلة فاهيتا في برنامج ليلة فونطاستيك، وذلك من خلال أستوري عبر حسابها الرسمي على موقع تبادل الصور والفيديوهات إنستجرام.
وقالت بتول الحداد في منشورها: “جماعه حلقة حمو بيكا ومراته العسل مع أبلة فاهيتا حلوة ومبهجة بشكل مش طبيعي، بجد طيبين أوي وهو جميل ما شاء اللّٰه ربنا يحميهم، شوفو بجد هتضحكو وهتتبسطو أوي”.
كواليس تعارف حمو بيكا على زوجته
وقال حمو بيكا عن زوجته: “اتعرفت على مراتي بعد ما جيبت المرسيدس وهي شافت كل حاجة حلوة، والدتي هي اللي اتعرفت عليها وأول ما شوفتها قولتلها عايزة أتجوزها، وأنا رومانسي بس بطريقتي مش بجيب دباديب هي مش بتحبها، لكن بتحب الشوكولاتة”.
أما عن بناته، فقال حمو بيكا: “البنات حنينين وطيبين، وأنا ربنا كاتبلي أن خلفتي تبقى بنات وأنا راضي، وهما طالعين شبهي”.
سبب نجاح أغاني حمو بيكا
وفي سياق آخر، قال حمو بيكا موضحًا سبب نجاح أغانيه: “دلوقتي النجاح مبقاس بالصوت، بقى بحب الناس، لو الناس حبيتك هتسمع أغانيك، وسبب نجاح المهرجانات أننا بنغني من الشارع للشارع، بنجيب الكلام من تحت”.
وأوضح حمو بيكا خلال حديثه أنه عمل بكل المهن قبل اتجاهه للغناء، حيث قال: “اشتغلت كل حاجة جزار ونجار ومبيض محارة، بدأت شغل وأنا عندي 15 سنة”.
حقيقة امتلاك حمو بيكا كميات كبيرة من الذهب
وعن ظهوره دائمًا بكميات كبيرة يرتديها من الذهب، قال حمو بيكا: “ده دهب حقيقي مش فالسو، ومراتي عندها دهب أكتر مني، وأنا عندي خزنة بشيل فيها دهبي غير الخزنة بتاعت مراتي”.
"الكرش علامته التجارية"
وتطرق في حواره عن زيادة وزنه، حيث قال حمو بيكا: “حاولت أخس وخدت حقن بس بقيت أكل أكتر، وبعدين مبقتش بقدر أعيش من غير كرشي ده هو علامتي التجارية”.
بتول الحداد في مسلسل اسأل روحك
في سياق منفصل، قد كشفت الفنانة بتول الحداد في تصريحات خاصة لـ موقع نيوز رووم عن تعاقدها على مسلسل اسأل روحك بطولة ياسمين صبري للمشاركة به في موسم رمضان القادم لعام 2026.
حيث قالت بتول الحداد في تصريحاتها: “انا تعاقدت على مسلسل اسأل روحك بطولة ياسمين رئيس وأحمد فهمي، بجسد شخصية بنت اسمها سعاد وهي في منطقة شعبية شوية وعيلتها على قد حالها، وهي صاحبة ياسمين رئيس أوي في الأحداث وعلاقتهم سوا كلها مفاجآت”.
