مراتي بتحب الشوكولاتة أكتر من الدباديب.. حمو بيكا يكشف أسرار عن زوجته
حل مطرب المهرجانات حمو بيكا ضيفًا مع أبلة فاهيتا في برنامج ليلة فونطاستيك، الذي يُذاع على قناة mbc مصر، وتحدث خلال اللقاء عن جوانب كثيرة من شخصيته، وتطرق في حديثه إلي تفاصيل معرفته بزوجته.
كواليس تعارف حمو بيكا على زوجته
حيث قال حمو بيكا عن زوجته: “اتعرفت على مراتي بعد ما جيبت المرسيدس وهي شافت كل حاجة حلوة، والدتي هي اللي اتعرفت عليها وأول ما شوفتها قولتلها عايزة أتجوزها، وأنا رومانسي بس بطريقتي مش بجيب دباديب هي مش بتحبها، لكن بتحب الشوكولاتة”.
أما عن بناته، فقال حمو بيكا: “البنات حنينين وطيبين، وأنا ربنا كاتبلي أن خلفتي تبقى بنات وأنا راضي، وهما طالعين شبهي”.
سبب نجاح أغاني حمو بيكا
وفي سياق آخر، قال حمو بيكا موضحًا سبب نجاح أغانيه: “دلوقتي النجاح مبقاس بالصوت، بقى بحب الناس، لو الناس حبيتك هتسمع أغانيك، وسبب نجاح المهرجانات أننا بنغني من الشارع للشارع، بنجيب الكلام من تحت”.
وأوضح حمو بيكا خلال حديثه أنه عمل بكل المهن قبل اتجاهه للغناء، حيث قال: “اشتغلت كل حاجة جزار ونجار ومبيض محارة، بدأت شغل وأنا عندي 15 سنة”.
حقيقة امتلاك حمو بيكا كميات كبيرة من الذهب
وعن ظهوره دائمًا بكميات كبيرة يرتديها من الذهب، قال حمو بيكا: “ده دهب حقيقي مش فالسو، ومراتي عندها دهب أكتر مني، وأنا عندي خزنة بشيل فيها دهبي غير الخزنة بتاعت مراتي”.
"الكرش علامته التجارية"
وتطرق في حواره عن زيادة وزنه، حيث قال حمو بيكا: “حاولت أخس وخدت حقن بس بقيت أكل أكتر، وبعدين مبقتش بقدر أعيش من غير كرشي ده هو علامتي التجارية”.
حمو بيكا يحذف أغانيه مع أحمد عامر
وفي سياق منفصل، كان أعلن حمو بيكا، منذ ساعات قليلة، عبر صفحته الرسمية على فيسبوك، عن حذف جميع الأغاني التي جمعته بمطرب المهرجانات الراحل أحمد عامر، حيث شارك بيكا صورة جمعته بـ عام.
وعلق : "تم حذف جميع أغاني أخويا أحمد عامر من على قناتي .. ربنا يرحمك ويغفرلك ويسكنك فسيح جناته.. نتمنى من كل صحاب شركات الإنتاج وكل حد عمل ديو مع أحمد يمسح الأغاني بتاعته.. وربنا يرحمنا برحمته الواسعة ويغفرلنا جميعا”.
