نجل عبد الرحمن أبو زهرة يكشف تفاصيل الحجز على معاش والده: كل شهر خازوق!
كشف أحمد عبد الرحمن أبو زهرة تفاصيل الحجز على معاش والده وإيقاف حسابه البنكي.
وأشار نجل عبد الرحمن أبو زهرة في تصريحات لـ نيوز رووم، إلى أنه يتعامل بتوكيل من والده مع الحساب البنكي الخاص به لسحب المعاش شهريًا، مؤكدًا أن والده لا يمتلك أي شيء آخر.
وأضاف نجل عبد الرحمن أبو زهرة: “مش بيشتغل بقاله أربع سنين قاعد في البيت أو في المستشفى، طول عمره وهو شغال بيدفع ضرايبه وعمره ما اتأخر وآخر ضرايب اللي اشتغل فيها سنة 2020 أنا اللي دفعتها لما بدأ يتعب، وسنة 2022، قالوا لي عليه ضرايب وقيمة مضافة قلت لهم ماليش علاقة بالكلام ده ق قالوا لي اشتغل سنة 2021 قلت لهم ده ما نزلش من بينتهم قالوا لي اثبت لنا انه ما اشتغلش سبتهم ونفضت لهم، وفوجئت النهارده أنهم حجزوا على المعاش”.
وتابع: “هو إحنا كل شهر هيطلع لينا خازوق زي المعاشات لما غلطت وما صرفتش المعاش وقالوا لنا عاوزين إثبات أنه عايش”.
واختتم:"أنا مش هشتكي مش المعاش اللي كان معيشه بيصرف كتير على علاجه ومحدش بيساعد".
وكتب أحمد أبو زهرة عبر حسابه بموقع فيسبوك متسائلًا: "هل مؤسسات الدولة مش وراها غير عبدالرحمن أبوزهرة بدل ما يتم تكريمه من الدولة. كل فترة يحصل موقف مهين له مع أنه لا هو عاوز حاجة من حد ولا مد إيده لحد ولا طلب اي شيء من أي إنسان كل اللي هو طلبه أنه يعيش أيامه الأخيرة في هدوء وسلام نفسي".
