نجل عبد الرحمن أبو زهرة يستغيث: الضرائب حجزت على معاش والدي وحسابه اتوقف
استغاث أحمد أبو زهرة، نجل الفنان عبد الرحمن أبو زهرة بعد إيقاف حساب والده البنكي بعد الحجز على معاشه من قبل مصلحة الضرائب.
وكتب نجل عبد الرحمن أبو زهرة عبر حسابه بموقع فيسبوك: "هل مؤسسات الدولة مش وراها غير عبدالرحمن ابوزهرة بدل ما يتم تكريمه من الدولة.
كل فترة يحصل موقف مهين له مع انه لا هو عاوز حاجة من حد ولا مد ايده لحد ولا طلب اي شيء من اي انسان كل اللي هو طلبه انه يعيش أيامه الأخيرة في هدوء وسلام نفسي".
وأضاف أحمد عبد الرحمن أبو زهرة: "المرة دي مصلحة الضرايب بتهينه وتحجز عليه وياريته مثلا عنده املاك ومليارات في البنك لا دي بتحجز على معاشه اللي مش بيكمل ربع ثمن الادوية اللي بياخذها.
وتابع: "تم وقف حسابه البنكي اللي مفيهوش غير المعاش وحينما سألنا عن السبب قيل أنه محجوز عليه من الضرايب. يا سيادة رئيس مصلحة الضرايب ارحموا فنان افني اكتر من ستين سنة من عمره في خدمة هذا الوطن ولم يتأخر طوال حياته في دفع كل الضرايب بل علي العكس من يقول غير ذلك فهو ظالم.
