عصام صاصا: قدري وقدرالمتوفي .. وربنا جعلني سبب لرزق بناته الأربعة

تحدث مطرب المهرجانات عصام صاصا، لأول مرة عن تفاصيل أزمته الأخيرة الخاصة بحادث السير الذي نتج عنه وفاة شخص. 

وقال عصام صاصا، أثناء لقائه ببرنامج “كلام الناس" التي تقدمة الإعلامية ياسمين عز عبر شاشة قناة “mbc مصر”، "المتوفى مكنش في بيني وبينه أي حاجة، واللي حصل كنت ماشي على الطريق ونصيبي وقدري وقدره أنه يموت على إيد فلان الفلاني، وربنا ممكن يكون جعلني سبب خير ورزق لبناته الأربعة، والناس شافت عكس كده وأني بدوس على الناس بفلوسي وأنا أقل خلق الله".

وتابع صاصا، "البني آدم مننا لو شاف قطة معدية بيعمل كل حاجة علشان ميخبطهاش، ومن حق أي حد يرسم الخيال اللي عايزه وربنا شاهد أني كنت في وعيي ولو مكنتش في وعيي كنت جريت، أنا كنت مصدوم وطلبت الشرطة والإسعاف، ولو كنت مشيت مكنتش هعرف أنام، واللي عملته خلاني دلوقتي أعرف أنام وراضيت بناته". 

بعد إعلان وفاتة .. من هو المخرج الراحل مصطفى درويش؟

وفاة زوج الفنانة عارفة عبد الرسول بعد صراع مع المرض

واختتم صاصا، "بأنه تعلم التعامل مع كل الناس، بس أنا عارف الشخص اللي قدامي وأحلله مليار مرة قبل ما آمن له، وحد صاحبي موقفش جنبي، وأنا مدتش ليه فرصة إنه يبرر ليا وعمره ما هيرجع لربع المكانة اللي كان فيها".

خروج عصام صاصا من السجن 

كانت نيابة جنوب الجيزة، قررت في فبراير الماضي، إخلاء سبيل مؤدي المهرجانات عصام صاصا، الذي قضى فترة سجن 6 أشهر في قضية اتهامه بتعاطي مواد مُخدرة خلال قيادة سيارته، بعدما قدم دفاع المتهم ما يُثبت سداد الغرامات المالية المقررة في قضايا عدة.

وشاركت زوجة مؤدي المهرجانات عصام صاصا، جهاد ماهر، مقطع فيديو رفقة زوجها بعد خروجه من السجن، عبر حسابها على إنستجرام، وعلق خلاله قائلًا: "أحلى ناس في الدنيا كلها واحشني هطلع أتكلم معاكم بس الدنيا تهدى".

حفل عصام صاصا 

وأقام مطرب المهرجانات عصام صاصا، أول حفل له بعد خروجه من السجن، وكان الحفل أول أيام عيد الفطر الماضي، وتم إقامته بحديقة "فاميلي بارك" وتراوحت أسعار تذاكرالحفل بين 350، و 650، و1000 جنيه للفرد الواحد.