وفاة زوج الفنانة عارفة عبد الرسول بعد صراع مع المرض

رحل عن عالمنا منذ قليل المخرج المسرحي، مصطفى درويش، زوج الفنانة عارفة عبد الرسول.

وقالت "عارفة عبد الرسول" عبر حسابها الشخصي على موقع التواصل الاجتماعي "فيسبوك": “ورحل رفيق العمر مصطفى درويش". 

مرض عارفة عبد الرسول وزوجها

وكانت عارفة عبد الرسول قد كتبت عبر حسابها الرسمي على "فيسبوك" منذ أسبوع قائلة: "من نص رمضان وأنا وجوزي راقدين بدور البرد الملعون وفي يوم الوقفه جوزي دخل عنايه مركزه والعيد باظ على الأحفاد اللى اتحبسوا في البيت..أنا بقيت كويسه وأحفادى صعبوا عليا خطفتهم وقولت أوديهم السينما.. اخترت فيلم سيكو سيكو، لأن عصام عمر من زملاء كحرتة اسكندريه، وطه دسوقى صديق جديد فيه بينا محبة، وعلى صبحى زميل سنكحه مسرح روابط وفرقه حالة، وقهوه التكعيبه والمخرج عمر المهندس مكسبي من مسلسل بالطو علاوة على شله الانتاج اللى عملت بالطو.. حفلة تسعه كومبليت روحنا حفله عشره ونص..ضحكنا بقى مسمع في اسكندريه كلها".

وأضافت: "رجعت بفتح الفيس عشان أقول هيييه، وأهنى صحابى، إلا وألاقي كمية هم بيور من اللى يوقعك في بير الاكتئاب ماتعرفش تخرج.. الراجل اللي الأسد كل دراعه، رفح اللى ابيدت، وأخيراً رحيل زوجة الفنان نضال الشافعى ربنا يصبر قلبه.. حمدت ربنا إنه إدانى شويه الضحك دول عشان أقدر أكمل.. الأخبار صعبه اخطفوا ساعتين بس اضحكوا شويه اغسلوا الجراح.. وربنا يخلي لنا الفن اللى بيصبرنا ع العيشة".