عصام السقا : تامر حسني واجه حرب يتحاربها جبل .. تفاصيل

أشاد الفنان عصام السقا، بقصة نجاح الفنان تامر حسني، والصعوبات التي تعرض لها في بداية مشواره الفني، موضحاً أنه يعتبر تامر حسني أيقونة فنية. 

وقال عصام السقا، في تصريحات لبرنامج "الراديو بيضحك" على "الراديو 9090 " ، مع الإعلامية فاطمة مصطفى: 
" تامر حسني بالنسبة ليا هو أيقونة فنية، من زمان وأنا بحب قصة نجاح وصعود تامر حسني، قصة مؤثرة جدًا".

وتابع " لما قعدت مع تامر على المستوى الشخصي، حسّيت قد إيه هو اتحارب حرب كبيرة، أنا قلت له: "أنا مش هقدر أستحمل الحرب اللي انت اتحاربتها ".

وأكد السقا " تامر اتحارب بجد، واتقفل عليه حاجات، واتحذفت له حاجات، تامر اتحارب بكل الطرق عشان ما يظهرش، دي كانت حرب يتحاربها جبل، مش شخص". 

واختتم، "ورغم كده، عنده إصرار طول الوقت، تامر مبيعملش حاجة في حياته غير إنه يشتغل ويتطور، وأنا دايمًا بتعلم منه، طول الوقت بتعلم من تامر".

تامر حسني يرد على عصام السقا 

ورد الفنان تامر حسني على إشادت الفنان عصام السقا له، حيث نشر إستوري عبر حسابه الشخصي بموقع التواصل الاجتماعي"إنستجرام"، قائلًا "حبيبى يا عصام ألف شكر على كلامك الغالي، أنا عارف إنك بتحبني من وانت صغير 
وإخلاصك في حبك ليا حسيته لما قابلتك، ومجهودك وشغلك على نفسك طول الوقت خلاني أفكر لك في الإختلاف اللي بتتكلم عنه".

وتابع “الحقيقة إنك عامل master seen  في فيلم “ريستارت “ من أهم المشاهد اللي فيها مضمون وتمثيل حقيقي، وانت فعلا أبهرتني فيه، واللي بيزرع حب بيلاقي حب، كل الشكر والتقدير للإعلامية الجميله فاطمه مصطفى". 

قصة وأبطال فيلم ريستارت

فيلم ريستارت من نوعية الأعمال الكوميدية الرومانسية، ويقدم تامر حسني خلال أحداثه شخصية مهندس، بينما تلعب هنا الزاهد دور فتاة شعبية من شبرا وتعيش قصة حب مع تامر، كما يتناول العمل عالم السوشيال ميديا، ويقدم تامر وهنا الزاهد سويًا دويتو غنائي في الفيلم من خلال أغنية بعنوان أحلى واحدة.